Keshe Parlament Senatynyń Tóraǵasy Qasym-Jomart Toqaevtyń tóraǵalyq etýimen Parlamenttiń tórtinshi shaqyrylymynyń kezekti sessııasyndaǵy palata otyrysy boldy, dep habarlady Senattyń baspasóz qyzmeti.
Depýtattar aldynda sóz alǵan Tóraǵa jumystyń bastalýymen quttyqtaı kelip, tórtinshi sessııasynyń ashylýynda Memleket basshysy Parlamenttiń qyzmetin joǵary baǵalaǵanyn jáne aldaǵy ýaqyttaǵy jumystyń baǵyt-baǵdaryn belgilegenin atap ótti.
Q.Toqaev Prezıdent N.Nazarbaev belgilegen damý baǵyttaryn júzege asyrýdy qamtamasyz etetin sapaly zańnamalyq bazany qalyptastyrý jónindegi Parlament pen Úkimettiń birlesken jumysyna senim bildirdi.
Otyrysta depýtattar Konstıtýsııanyń 55-babynyń 2) tarmaqshasyna sáıkes, Qazaqstan Respýblıkasy Prezıdentiniń Ulttyq qaýipsizdik komıtetiniń basshysy qyzmetine Nurtaı Ábiqaevty taǵaıyndaýyna kelisim berdi.