Keshe Qazaqstan Respýblıkasynyń Prezıdenti, Elbasy Nursultan Nazarbaev Tórtinshi saılanǵan Qazaqstan Respýblıkasy Parlamentiniń IV sessııasyn sóz sóılep ashty. Sessııanyń ashylýy rásimine palata tóraǵalarymen qatar, Premer-Mınıstr, Memlekettik hatshy – Syrtqy ister mınıstri, Prezıdent Ákimshiliginiń Basshysy, Konstıtýsııalyq Keńestiń, Joǵarǵy Sottyń jáne Joǵary Sot Keńesiniń tóraǵalary, Úkimet músheleri, respýblıka Prezıdentine tikeleı baǵynatyn jáne esep beretin memlekettik organdar basshylary, Prezıdent Ákimshiliginiń, Parlament palatalary apparattarynyń jáne Premer-Mınıstr Keńsesiniń jaýapty qyzmetkerleri, buqaralyq aqparat quraldarynyń ókilderi qatysty.
Tórtinshi saılanǵan Qazaqstan Respýblıkasy Parlamentiniń IV sessııasynyń ashylýy jáne Parlament depýtattarynyń ant berýi týraly kún tártibindegi qos máselege Májilisten – 106, al Senattan 45 depýtat daýys berip, bekitti.
Jalpy, Parlament depýtattarynyń Qazaqstan halqyna ant beretini belgili. Qazaqstan halqyna beretin depýtattar antyn Qazaqstan Respýblıkasynyń Prezıdenti qabyldaıdy. Osylaısha depýtattar M.Altynbaev, N.Ábdirov, I.Elekeev, Á.Jolshybekov, J.Nurǵalıev jáne Q.Ydyrysov saltanatty túrde Prezıdent aldynda Qazaqstan halqyna adal qyzmet etýge ant qabyldady.