Mańǵystaý – Máskeý: bilim bıigine birlese shyǵady

Elbasy jaqynda ǵana ón­di­risti  óńirge jumys sapary kezinde atbasyn tirep, izdenisteri men irgeli isterine oń baǵa bergen Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetinde este qalarlyq erekshe oqıǵa boldy. Aqtaýǵa Reseıdiń álemge áıgili joǵary oqý orny – M.Lomo­nosov atyndaǵy Máskeý mem­lekettik ýnıversıtetiniń rektory, akademık V.Sadovnıchıı keldi. Ol óńirdegi birden-bir halyqaralyq ýnıversıtet bola bastaǵan oqý ornynda ustazdarmen, stýdent­termen áńgimelesip, ýnıver­sıtet rektory Á.Ábjapparovpen óz­ara baılanystar jónindegi kelisim-shartqa qol qoıdy. Onda jas oqý or­nynda professorlyq-oqytý­shylyq quramdy qalyptastyrý, ǵylymdy damytý, bilim berýdiń zamanaýı tehnologııalaryn engizý, Máskeý ýnıversıtetinde ótetin halyqaralyq forýmdarǵa qatysý jumystaryna  múmkindik jasala­tyndyǵy kórsetil­gen. Sondaı-aq, osynaý yntymaq­tastyq aıasynda munaıly óńirdegi daryndy ba­lalarǵa da qoldaý men qamqorlyq kórsetiletindigi kóńilge qonady. Jolaman BOShALAQ, Aqtaý.