Ádilet mınıstrleri bas qosty

Keshe Astanada EýrAzEQ-qa múshe memleketter Ádilet mınıstrleri keńesiniń 15-shi otyrysy ótti. Qazaqstan Respýblıkasynyń Ádilet mınıstri R.Túsipbekov EýrAzEQ-tyń qurylǵanyna 10 jyl tolǵanyn, sondyqtan ol úshin 2010 jyldyń mereıtoılyq jyl ekenin atap ótti. Otyrysta sot sarapshylaryn halyqara­lyq standarttarǵa saı akkredıtteý, sot-sa­raptama mekeme­leriniń óńiraralyq asso­sıasııasyn qurý, sol sııaqty azamattarǵa tegin zańgerlik kómek kórsetý jáne sot aktilerin oryndaý máseleleri qaraldy. Qylmystyq atqarý júıesiniń kásibı kadr­lyq quramyn qalyp­tastyrýdyń mańyz­dyly­ǵyn na­zarǵa ala otyryp, Qazaqstan Res­pýb­lı­kasy, Qyrǵyz Respýblıkasy jáne Tájikstan Respýblıkasy atynan EýrAzEQ-qa múshe mem­leketterdiń oqý oryndarynda qylmystyq atqarý júıesi meke­meleri men organdary úshin kadr­lar daıarlaý týraly kelisimge qol qoıyldy. Reseılik delegasııa atalǵan kelisimge qosylýǵa daı­yn ekendikterin bildirdi, dep habar­lady Ádilet mınıstrliginiń baspa­sóz qyzmeti.