Kúnshyǵys eli ókilimen kezdesti

Keshe Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaevtyń TMD elderimen tanysý aıasynda Qazaqstanǵa kelgen Japonııa Parlamenti О́kilder palatasy (tómengi palata) Halyqaralyq ister jónindegi komıtetiniń Tóraǵasy Mýnee Sýdzýkımen kezdesýi boldy, dep habarlady QR SIM-iniń baspasóz qyzmeti. Kezdesý barysynda taraptar ekijaqty yntymaqtastyqtyń aǵymdaǵy jaǵdaıy men bola­sha­ǵyn, eki eldiń halyqaralyq bir­les­tikter sheńberindegi yqpal­das­tyǵyn, sonymen qatar, qa­zirgi zamanǵy halyqaralyq qa­ty­nastardy, sonyń ishinde Orta­lyq Azııadaǵy jaǵdaıdy, qor­sha­ǵan ortany qorǵaý máselelerin talqyǵa saldy. Osy oraıda Q.Saýdabaev ja­qynda bolǵan Japonııa Syrtqy ister mınıstri Kasýıa Okadanyń Qazaqstanǵa resmı saparyn jáne “Ortalyq Azııa+Japo­nııa únqatysýy” kezdesýin joǵary baǵalady. Qaýipsiz álem ǵalamdyq má­se­lesin kótere otyryp, taraptar ıadrolyq qarýsyzdaný jáne beı­bit atomdy damytý salalarynda ózara yqpaldasý jóninde pikir almasty. Osyǵan oraı qa­zaq­stan­dyq SIM basshysy qaıǵyly kezeńdi eske aldy – osydan 65 jyl buryn Hırosıma jáne Nagasakıge ıadrolyq bomba tas­tal­ǵan bolatyn. Memlekettik hat­shy 40 jylǵa sozylǵan Semeı polıgonyndaǵy ıadrolyq sy­naq­tardan mıllıondaǵan otandas­ta­rymyz japa shekkendigin atap ótti. О́z kezeginde japondyq Par­lament múshesi bizdiń elimiz­diń jahandyq qaýipsizdikti ny­ǵaıtýǵa qosyp otyrǵan úlesi aýqymdy ekenin aıtyp ketti. Taraptar ıadrolyq qarýdan ada álem qurý maqsatynda eki el kúshterin biriktirý qajettigine toqtaldy. Halyqaralyq uıymdar for­ma­tyndaǵy yntymaqtastyqty aıta kele Q.Saýdabaev Japonııa­nyń BUU-ny reformalaý jónin­degi usynysyna jáne Kúnshyǵys eliniń BUU Qaýipsizdik keńesiniń turaqty músheligine enýine Qa­zaqstannyń qoldaý bildiretinin jetkizdi. Saýda-ekonomıka salasyn­daǵy yntymaqtastyqty qozǵaı otyryp, taraptar qazirgi ózara taýar aınalym kórsetkishi shyn mánindegi múmkindikterge saı emes­tigin qýattady. Olardyń pi­ki­rinshe, osy jyldyń kúzinde Ja­ponııada ótedi dep jospar­la­nyp otyrǵan úkimettik jáne je­ke sektordyń birlesken komıs­sııa otyrysy atalǵan kórsetkishti jaqsartýǵa septesetin bolady.