Baǵdarlamalarǵa baıypty baǵa berildi

Keshe Úkimette Premer-Mınıstr Kárim Másimovtiń tóraǵalyǵymen selektorlyq keńes ótti. Keńeste elimizde bilim berýdi damytýdyń 2011-2020 jyldarǵa arnalǵan memlekettik baǵdarlamasy men qorshaǵan ortany qorǵaýda basty mańyzǵa ıe bolyp tabylatyn 2010-2014 jyldarǵa arnalǵan “Jasyl damý” salalyq baǵdarlamasy jobalary taǵy bir pysyqtalyp, maquldandy. Áýeli 2011-2020 jyldarǵa arnalǵan bilim berýdi damytý baǵdarlamasy jobasy tóńireginde baıandamany Bilim jáne ǵylym vıse-mınıstri Mahmetǵalı Sary­bekov jasady. Ol atap kórset­ken­deı, memlekettik baǵdarlamanyń negizgi strategııalyq maqsaty – azamattardyń materıaldyq jáne rýhanı ál-aýqatyn jaqsartý, ekonomıkanyń turaqty damýy úshin barshaǵa arnalǵan sapaly bilimniń qoljetimdiligin qamtama­syz etý arqyly bilimniń básekege qa­bilettiligin arttyrý, adamı ka­pıtaldy arttyrý. Bul baǵdarla­ma­da 9 baǵytty iske asyrý kózdelgen. Baǵdarlama eki kezeńde júzege asyrylatyn bolady. Birinshi kezeń 2011-2015 jyldardy, ekinshi kezeń 2015-2020 jyldardy qamtıdy. 2011 jyldan bastap 2013 jylǵa deıin úsh jyldyq bıýdjetten baǵ­darlamany qarjylandyrýdyń qo­symsha mólsheri memlekettik bıýd­jetten 151 mlrd. 159 mln. 213 myń teńgeni, onyń ishinde 2011 jyly 50 mlrd. 627 mln. 776 myń teńgeni qu­raıdy. Sondaı-aq ol keıingi jyl­dardyń shyǵystary memle­ket­tik bıýdjetti túzý barysynda qa­rastyrylatyndyǵyn aıta kele, memlekettik baǵdarlamany iske asyrý sapaly bilimge barlyq aza­mattardyń qoljetimdilik jaǵdaı­l­a­ryn jasaý arqyly bilimdi da­mytýǵa serpindi yqpal etedi, dedi. Osy oraıda vıse-mınıstr memle­kettik baǵdarlama boıynsha 288 usynys pen eskertýler kelip túskenin jáne onyń 104-i atalǵan qujatqa engizilgenin de jetkizdi. 2010-2014 jyldarǵa arnalǵan “Jasyl damý” baǵdarlamasy sheń­berinde baıandama jasaǵan Qorsha­ǵan ortany qorǵaý mınıstri Nur­ǵalı Áshimov atalǵan baǵdarlama Qazaqstannyń 2020 jylǵa deıingi strategııalyq damý josparyn jáne Elbasynyń tikeleı tapsyrmasyn iske asyrýǵa baǵyttalǵanyn aıtty. Sonymen qatar ol baǵdarlamany iske asyrý nátıjesinde birqatar kórsetkishterge qol jetkizý jos­parlanyp otyrǵanyn, atmosferaǵa zııandy zattar shyǵaryndy­lary­nyń tómendeý paıyzy 2009 jyl­men salystyrǵanda 2014 jylǵa qaraı keminde 5,9 paıyzdy qu­raı­tynyn atap ótti. Parnıkti gaz­dardyń jyldyq shyǵarymdylary kóleminiń tómendeýi 2014 jyly 1992 jylǵa qaraǵanda 1 paıyzǵa jet­pek. Kıikter sanynyń ósýi 2014 jylǵa taman 10 paıyzdy qu­rasa, orman otyrǵyzý kóleminiń jyl saıynǵy ulǵaıýy 2014 jylǵa qaraı 65 myń gektardy quraıtyn bolady. Baǵdarlamadaǵy jumys “ja­syl ekonomıkany” damytý, qor­shaǵan orta men adam densaý­ly­­ǵyna antropogendi áserdi tó­mendetý, tabıǵı ekojúıelerdi saq­t­aý jáne qalpyna keltirý, sony­men qatar qorshaǵan ortanyń sa­pa­syn basqarý júıesin damytý jáne jetildirý syndy tórt baǵyt boı­ynsha júzege asyrylmaq. Baǵdar­lamany júzege asyrýǵa 350 mlrd. teńge baǵyttaý kózdelýde. Selektorlyq keńeste Premer-Mınıstr K.Másimov oblystar ákimderiniń orta mektepterdiń jańa oqý jylyna jan-jaqty daı­yn­dyqtary jaıyndaǵy baıandama­la­ryn tyńdady. Sondaı-aq ol Premer-Mınıstrdiń keńsesine óńirlerdegi orta bilim beretin ny­san­dardyń jańa oqý jylyna daıyn­dyǵyn tekserý úshin bas ıns­pektorlardy jiberýdi tapsyr­dy. Úkimet basshysy bas ıns­pek­torlar bilim berý nysandaryn tekser­gennen keıin olardyń jaǵdaılary jaıynda ózine naqty baıandama ázirleıtindigin aıta kele, odan soń kez kelgen sheshimniń, tipti kinálilerdi jumystan bosatý týraly sheshimniń qabyldanýy da múmkin ekendigin eskertip ótti. Osy rette Úkimet basshysy jergilikti atqarý organdary basshylaryna jańa oqý jylyna daıyn emes bilim oshaqtarynyń daıyndyǵyn aıaq­taýdy tapsyrdy. Ábdirahman QYDYRBEK.