Ákimder esebiniń oryndalýy qalaı?

Siz ne deısiz? Qazaqstan Respýblıkasy Prezı­denti­niń “Jergilikti atqarýshy or­gandardyń basshylarynyń turǵyn­dar­men esep berý kezdesýlerin ótkizý týraly” 2005 jylǵy 6 sáýirdegi Jar­lyǵyna sáıkes oblysta bıylǵy jyldyń 18 qańtary men 12 aqpany ara­lyǵynda barlyq deńgeıdegi ákim­derdiń esep berý kezdesýleri bolyp ótti. Onyń birshamasyna ózimiz de qatysyp, maqalalar jazǵanbyz. Jaq­sy bir dástúrge aınalǵan oı qorytý alańdarynda turǵyndar tarapynan kóptegen usynys-tilekter aıtylǵanyn bilemiz. Bul óńir ahýalyn odan ári jaqsartýdan týǵan suranystyń óskendigin ańǵartady. Ýádeniń oryndalýy, jaǵdaıdyń etek alysy qaı deńgeıde? “Egemen Qazaqstannyń” tilshisi Baqbergen AMALBEK Aqmola oblysy ákimi apparatynyń basshysy Bolat JUPYNOVQA: – Siz buǵan ne deısiz? – Barlyǵy 695 kezdesý ótkizilip, oǵan 79447 adam qatysty. Sonyń ishin­de 2111 adam minberlerden sóz alyp, 1761 usynys-tilek engizdi. Munyń basym kópshiligi, ıaǵnı 98,9 paıyzy áleýmettik turǵydaǵy máse­leler. Bizde ákim ǵana emes, onyń komandasy túgel esep beretindikten, suraqtardyń 1662-sine sol zamatta túsinik berilip, kóptegen máseleler qolma-qol sheshimin tapty. Al, eń ózekti degen 99 suraq arnaıy baqy­laýǵa alynyp, olardyń oryndalý barysyna kúni búginge deıin turaqty monıtorıng júrgizilip keledi. Másele negizinen qarjyǵa ti­re­le­tindikten, barlyq usynystardy qarjylandyrýdyń ártúrli kózderi aıqyndaldy. Osynyń nátıjesinde el ıgiligine jaratylǵan dúnıeler az emes. Aıtalyq, aýdan ortalyǵy Ar­sha­lynyń Mıtchenko kóshesin, As­tra­han aýdany ortalyq qonysynyń ishki joldaryn jóndep, abattan­dy­rýǵa oblystyq bıýdjetten árqaı­sy­syna 10 mıllıon teńgeden bólindi. Sondaı-aq, Arnasaı aýylyndaǵy dárigerlik ambýlatorııa uıymdyq tehnıkamen jaraqtandyryldy. Atbasar qalasynda halyqty aýyz sýmen úzdiksiz qamtamasyz etý maq­satynda tereńge qoıylatyn sorǵy­lar satyp alyndy. Oǵan aýdandyq bıýdjettiń 3541 myń teńge qarajaty jaratyldy. Respýblıkalyq bıýdjetten 40,2 mıllıon teńge qarjy bólinýiniń arqasynda Aqkól aýdanyndaǵy Alek­seev orman sharýashylyǵy eldi mekenin elektr qýatymen qamta­ma­syz etý, sondaı-aq, “Alekseev elektr jelileri” nysanynyń qurylysyn aıaqtaý máselesi sheshimin tapty. Qorǵaljyn aýdanynda quny 142 mıllıon teńgelik Amankeldi aýyl­dyq mektebi salynyp, osy aýdan­daǵy gım­nazııa qurylysyna bólingen 27,8 mıl­lıon teńge qarjynyń ıgerilýi qam­tamasyz etildi. Jar­qaıyń aýda­ny­nyń Kostychev orta mektebi, Shoı­yndykól jáne Baran­kól negizgi mek­tepteriniń oqýshy­lary jańa oqý jylyn kóterińki kóńilmen bastady. Iri kásiporyndar, bıznes qaýym­dastyǵy men sharýa qojalyqtary da el tilegin oryndaýdan qalys qal­maı­dy. Bir ǵana mysal aıtaıyn. Aq­mola oblystyq telekommýnıkasııa dırek­sııa­synyń qarjysy esebinen Ereı­men­taý aýdanynyń Izobıl­nyı, Jaqsy aýdanynyń Novokıev­ka, Ta­rasovka, Kalının, Sandyqtaý aýda­nynyń Bogorodka aýyldarynda san­dyq telefon stansalary ornatyldy. Tutastaı alǵanda, alǵashqy jar­ty jyldyqta usynys-tilekterdiń 25,2 paıyzy tolyq oryndaldy. Al, 5,1 paıyzynyń oryndalý merzimi kesheýildep otyr. Bul jóninde naqty sha­ralar qoldanylatyn bolady. Jalpy, osy máselelerge qatysty ne­ǵurlym tolyǵyraq aqparat alǵysy kelgen jerlesterimizdiń oblys ákimi­niń saıtyn paıdalanýyna bolady. Aqmola oblysy.