Jergilikti jaǵdaı nege eskerilmeıdi?

Qyzyljar óńirinde egin oraǵy­nyń naǵyz qyzǵan kezi. 3,9 mıllıon gektar dándi daqyldar alqabynyń jartysynan astamy bastyrylyp, gektar berekesi 9,8 sentnerden aı­nalýda. Bıylǵydaı kúrdeli aýa raıy jaǵdaıynda bul jaman kórsetkish emes. Búginde soltústikqazaqstandyq dıqandardy jaýapty naýqandy ót­kizý barysy emes, astyqty satý baǵa­sy qatty tolǵandyryp otyr. Ol jóninde biz jazǵan edik. (“Egin ósirýshilerdiń ókpesi”, 17 tamyz.) Modernızasııa jáne ekonomı­ka­lyq máseleler jónindegi mem­le­ket­tik komıssııanyń aýylsharýashylyq qurylymdarynan 1 tonnasy 26500 teńgege teń (180 AQSh dollary) 2 mıllıon tonna astyq qabyldaý tý­raly jýyrdaǵy sheshimi aýylsha­rýa­shylyq taýarlaryn óndirýshilerdiń kelispeýshiligin týdyryp, aıran-asyr qyldy. Máseleniń mán-jaıyn bilmek nıetpen oblystyq aýyl sha­rýashylyǵy basqarmasynyń basty­ǵy Serik Táshenovpen habarlasqan edik. – Soltústik Qazaqstan oblysy boıynsha kvota mólsheri – 600 myń tonna. Astyqtyń satyp alý baǵasy kemi 200 dollar bolady degen úmi­ti­miz aqtalmady. Rasynda da baǵa tó­men. Nendeı negizderge súıenip qoı­yl­­ǵanyn bile almadyq. Alaıda, tap­syr­many oryndamaı bolmaıdy, dedi ol. Qazaqstannyń Eńbek Eri Gen­nadıı Zenchenko bir tonna astyqtyń baǵasy 230 dollardan kem túspeýi tıis degen pikirde. Sanaly ǵumyryn eginshilik salasyna arnap kele jat­qan dańǵaıyr dıqan óz sózin mol tá­jirıbege súıenip, jergilikti jaǵdaı múmkindikterin eskerip aıtqany daý­syz. JShS jetekshisi Konstantın Mıshenev mundaı baǵamen jumsal­ǵan shyǵyn aqtalady degenge sen­beıdi. Jyl óte aýyr tıdi. Jazdyń aptap ystyǵy men qurǵaqshylyǵy zııan kólemin ósirip jiberdi. Álemdik baǵa sharyqtap ketti. Irgemizdegi Reseıde 200 dollar. Bizde qosymsha qun salyǵyn eseptegende 160 dol­lar­dan ǵana aınalady. Erteń zańsyz joldarmen syrtqa aǵylmasyna, ishki rynokty deldaldardyń jaýlap alma­syna kim kepil? Osy jáıtter jan-jaqty tarazylanýy tıis edi. Áıtpese, sharýa qojalyqtarynyń da, aýyldyń da jaǵdaıyn ońaltý qıyn. Sondyqtan Úkimet baǵa saıasa­tyn qaıta qaraýy kerek deıdi egin ósirýshiler. Shynynda da, elimizde azyq-túlik qaýipsizdigin qamtamasyz etýge zor úles qosyp kele jatqan Qyzyljar óńiri dıqandarynyń ótinish-tilekteri negizsiz emes. Byltyr astyqtyń baǵasy qul­dyrap ketkenine qaramastan nan baǵasy ózgerissiz, arzandamaǵan kúıi qaldy emes pe? Demek, nan jáne nan ónimderi baǵasynyń negizsiz kóterilmeýi tek baǵaǵa ǵana tirelip turmasa kerek. Iri agroqurylymdar basshylary osylaı qınalsa, erkin rynokqa shyǵýǵa esh múmkindikteri joq shaǵyn sharýashylyqtardyń hali qalaı bolmaq? О́mir ESQALI, Soltústik Qazaqstan oblysy.