Balalarǵa qatysty zorlyq bolmaýy úshin

2-6 qyrkúıek aralyǵynda “Qazaqstan Respýblıkasyn­da­ǵy adam quqyqtary jónindegi ýákil men BUU Balalar qory (IýNISEF) arasyndaǵy yntymaqtastyq týraly mem­orandým” sheńberinde balalarǵa qatysty zorlyq jasaý pro­blemalaryn zerdeleýge baǵyttalǵan birqatar is-sharalar ótkizildi. Atalǵan is-sharalar “Qazaqstan Respýblıkasynda quqyq qorǵaý qyzmeti men sot júıesiniń tıimdi­li­gin arttyrý jónindegi sharalar týraly” Qazaqstan Respýblıkasy Prezıdentiniń Jarlyǵyn jaza­lardyń keıbir túrlerin izgilendirý, sondaı-aq KTÝOBOO-daryn bilim berý júıesiniń qaramaǵyna berý bóliginde oryndaý úshin ótkizildi. Qazaqstanda balalarǵa qatysty zorlyq jasaý proble­ma­lary týraly analıtıkalyq esepti ázirleý úshin áıelder men balalarǵa qatysty zor­lyq jasaý, balalardy satý men qanaý, qylmystyń   qurbandaryna kómek kórsetý, balalardy qorǵaý júıesi, sot ádildigi júıesine qol­je­timdilik problemalary boıynsha mol jumys tájirıbesi bar IýNISEF halyqaralyq sarap­shy­sy, Shyǵys Kentýkkı ýnıversıte­ti­niń professory Robın Haarr hanym shaqyryldy. Josparlanǵan is-sharalar sheń­berinde beıindi mınıstr­lik­terdiń basshylyqtarymen kezdesýler ót­ki­zil­di, Astana qa­la­synyń balalar me­kemelerine – Kámeletke tolma­ǵan­dardy ýa­qytsha oq­shaýlaý, beıim­deý jáne ońaltý ortalyǵy men Ma­man­dandyrylǵan balalar úıine sapar jasalyndy, balalarǵa qar­sy zorlyq jasaý jaǵdaıynyń aldyn alý men ońtaılaný jóninde memlekettik organdar men úkimettik emes sektorǵa arnap semınar ótkizildi. Semınardyń qatysýshylary álemdegi balalarǵa qatysty zor­lyq­tyń bar bolýynyń halyqara­lyq standarttary men tájirıbe­si­men tanysýǵa múmkindik aldy, son­daı-aq Qazaqstanda bul proble­ma­ny sheshý boıynsha tıisti ádis­te­meniń ázirlenýi talqylandy. Adam quqyqtary jónindegi ulttyq ortalyq pen BUU Balalar qorynyń (IýNISEF) baspasóz qyzmeti.