“Rahat” Qyzylaǵashtyqtarǵa amandyq tileıdi

Taldyqorǵan oblysy Qyzylaǵash aýylyn buzyp-jaryp ótken sý tasqynynan keıin, nebári birneshe aı ótkende jańa dárigerlik emhana iske qosyldy. Qaıǵyly jaǵdaı oryn alǵanǵa deıin, bul emhana qabyrǵasy qulaǵaly turǵan, edeni shirigen, tereze jıekteri qısaıǵan, tek bir ǵana qabaty paıdalanýǵa jaraıtyn, qos qabatty eski ǵımarat bolatyn. Az merzim ishinde ol tolyǵymen “Rahat” kompanııa­synyń kúshimen jańǵyrtyldy. Búginde bul ǵımarat keń, jaryq, jaqsy jabdyqtalǵan, qazirgi zamanǵy korpýs sanatynda. Aqsý aýdandyq aýrýhanasynyń bas dárigeri Áshim­ǵalı Jumageldiulynyń aıtýynsha, qury­lys­shylardyń atqarǵan jumysy orasan. Baılanystyń barlyq jelisi júrgizildi, jylý, qýat kózderi, jaryq berý, órt jáne kúzet boıynsha dabyl berý júıesi jón­delip, iske qosyldy. Sý jylytatyn qurylǵylar sa­typ alynyp, or­natyldy jáne medısınalyq jab­dyqtardy montaj­daý júrgizildi. Emhana qaıta turǵyzylǵanǵa deıin, búkil “dá­­riger­lik bólim” palatkalarǵa ornalastyryldy. Bi­reýinde em-sharalar qoldanylyp jatsa, ekin­shi­sinde qabyldaý júr­gizilip jatty, al úshinshisinde dárihana jumys istedi. Tórtinshisi “kútpegen jaǵdaılar bola qalsa” degen oımen rezervte turdy. Qazirgi kezde emhana dárigerleri naýqastardy qa­byldap, aldyn ala tekserýler júrgizedi, qalada­ǵydaı qolaıly jaǵdaılarda turǵyndarǵa ekpe jasaıdy. Kúndizgi stasıonar ashylǵan, zerthana jumys isteıdi. Emdelýshilerdiń fızıologııalyq turǵyda em-sha­ra­lardy tolyǵynan alý múmkindigi bar. Jas ana mektebi jáne ana men bala kabıneti kelýshilerge esigin aıqara ashty. Turǵyndar ómirdiń qalypty yrǵaǵy bastalǵanyna, ásirese, aýyl úshin mańyzy zor dárigerlik mekemeniń isi jolǵa qoıylǵanyna rıza. Al qyzylaǵashtyq emhana ”rahattyqtar” úshin qurylysy aıaqtalǵan ny­san bolyp qana qoımaı, shydamdylyqty shyńdaǵan, áleýmet aldynda tabysty tapsyrylǵan mańyzy zor emtıhan boldy. Qyzylaǵash aýylyndaǵy dárigerlik emhana qaıy­rym­dylyq kómek retinde kórsetilgen “Rahat” AQ-tyń jeke qarajaty esebinen jáne Almaty kon­dı­ter fabrıkasy jumyskerleriniń kúshimen jańǵyr­ty­lyp, qaıta salyndy. Suńǵat ÁLIPBAI.