Shyǵys kenishine – 25 jyl

Bul mereke kenshiler qalasy – Ekibastuzdaǵy “О́ner” mádenıet sa­raıynda atalyp ótti. Kómir ón­di­retin “Shyǵys” kenishi – “ENRC”-diń ne maǵyna beretinin taratyp aı­tar bolsaq, ol Eýrazııalyq tabı­ǵı resýrstar korporasııasy qura­my­na qaraıtyn “Eýrazııalyq ener­getıkalyq korporasııasy” aksıo­ner­lik qoǵamynyń bólimshesi degen sóz. Kenishtiń jyldyq kómir óndirý mejesi qazirgi kúnderi 22 mıllıon tonnaǵa jetip otyr. Mereke kúni ar­dager kenshi, Parlament Májili­siniń depýtaty Amanqos О́tegenov: “Bul jer mıdaı jazyq dala edi, biz ol jerdi osylaı ıgerip, el ıgiligine aınaldyrdyq”, – dep eske aldy. Kenshilerdi oblys ákimi Baqyt­jan Saǵyntaev quttyqtady. Kenish elimizde qabyldanǵan údemeli ınno­va­­sııalyq-ındýstrııalyq baǵ­darla­ma­ny damytatyn kásip­oryn­dar qata­ryn­da tur. Jýyrda kómirdi jer as­ty­nan tazalap, arshyp alyp shy­ǵatyn kar­erlik-konveıerlik júıe iske qo­syldy. Bul jumysqa 85 mıl­lıon AQSh dollary jum­sal­dy. Ja­ńa ny­sanda 200 adam ju­mys­pen qam­tylǵan. Ke­nishtiń ta­bysty ju­mys jasaýy úshin eńbek et­ken ken­shi­lerge syı-qur­met jasaldy, kesh so­ńynan “Uly­taý” tobynyń jigitteri óner kórsetti. Farıda BYQAI. Pavlodar oblysy. * * *

BOLAShAQQA SAÝ KО́ZBEN QARAIYQ

Elbasynyń Joldaýlarynda qo­ǵamdaǵy adam densaýlyǵyn qorǵaý men salamatty ómir saltyn qalyp­tastyrýǵa basa mán berilse, óńirde osy maqsattaǵy jumystardyń tııa­naǵy keltirilip kele jatqany qýan­tady. О́ńir halqyna medısınalyq qyzmet kórsetý baǵytyndaǵy naqty jumystarmen birge, aýyryp em izde­genshe, aýyrmaıtyn jol izde qa­ǵıdatyna baǵyttalǵan sharalar­dyń jalǵasyn tabýy osynyń naqty dáleli. “Densaýlyq joly-2010” baǵdar­lamasy boıynsha “Bolashaqqa saý kóz­ben qaraıyq” taqyrybyndaǵy oblystyń barlyq aımaqtaryn qam­ty­ǵan nasıhat jumysy kópshilikten qol­daý taýyp, Taldyqorǵan, Tal­ǵar, Ile, Qarasaı jáne basqa óńir­lerde jalǵasty. Aksııa barysynda damyǵan qoǵamdaǵy tehnıkany meń­gerý kezinde qos shyraqty saq­taý, ony túrli aýrýlardan qorǵaý máseleleri ortaǵa salyndy. Kóz – adamnyń aınasy degen. Tańnyń atysy, kúnniń batysy kom­pıýter men teledıdarǵa tesilip, ony ómiriniń belgili bólshegine aı­naldyrǵandyqtan, jalt etken ja­nar­ǵa túsetin salmaq úlken ekeni daý­syz. Ár adamnyń deniniń saý­ly­ǵy – qoǵamnyń saýlyǵy degen ak­sııa barysynda dárigerler keńesin tyńdap, kórý shamasyn anyqtaý men emdeýge qatysqandar alǵys­ta­ryn jetkizdi. Kúmisjan BAIJAN. Almaty oblysy. * * *

SAǴYNDYRǴAN ÁNDER-AI!

“Saǵyndyrǵan ánder-aı” retro ánder festıvali tuńǵysh ret О́skemende dúrildep ótti. Oǵan oblys ákimi B. Saparbaev qatysty. Qazaqstannyń óner juldyzdary Nurǵalı Núsipjanov, Maıra Ilııasova, Maqpal Júnisova, Maıra Núrkenova, Mahmýt Toıkenov ánnen shashý shash­ty. Nurǵalı sonaý jetpisinshi jyldarda aqyn Zaryqbaı Ybyraevtyń shyǵarǵan “О́skemenim” ánin shyrqaǵan kezde atshaptyrym zal ishi siltedeı tyndy. Ońdasyn ELÝBAI. О́SKEMEN. * * *

“BAIаNTAÝDYŃ” REDAKTORY – QURMETTI JÝRNALIST

Shakrat Shalbaı aýdandyq ga­zette 50 jyl boıy qyzmet etip, ǵa­jaıyp jerdiń, eldiń qadirin ulyq­tap, ótkenniń shejiresin, taý baý­raı­ynda otyrǵan aýyldardyń ty­nys-tirshiligin qolyndaǵy qalam­men órnektep búginge jetkizip kele­di. Tabıǵatyna búkil qazaq tamsa­na­tyn Baıanaýyldaı jerdiń ataǵyna saı aýdandyq gazet te “Baıantaý” dep atalady. Osy jerde ósken kish­ke­ne baladan qarttaryna deıin “Baıa­nym, Baıantaýym” dep otyrady. Búgingi “Egemen” keldi me dep eleńdep, gazet qolyna tıgenshe ty­qyrshyp otyratyn aǵamyz oqı sala bizdiń tilshiler qosynyna jıi te­lefon shalyp, maqalalar jaıynda oı bólisip, pikir bildirip jatady. “Egemen” degen sózdiń ózi qandaı, á! Kezinde osy bir aýyz sóz eldiń sha­ńyraǵyn bıikke qashan shyǵa­ra­dy dep armandaýshy edik, sol kúnge qol jetti, endi sol egemendikti, el­dikti qorǵap, saqtap qalý – bizdiń min­detimiz, al Baıanaýyl degenińiz tu­nyp turǵan shejire, tarıh, jı­ǵan-tergen jetedi, ony keıingi urpaqqa nesibe ǵyp jazyp qaldy­rarmyz”, – deıdi Shalbaı. Ardager jýrnalıst 50 jyl boıy aýdandyq gazette eńbek etse, aýdan ákimi Ernur Aıtkenov bastap aýdan ákimdigi shyǵarmashylyq keshin ótkizdi. Qalam terbegen kóp jylǵy qyzmeti úshin “Eren eńbegi úshin” medaliniń ıegeri bolǵan aǵa­myz endi elimizdiń Jýrnalıster odaǵy usynǵan “Qazaqstannyń qurmetti jýrnalısi” belgisimen ma­rapattaldy. Ol óz mańaıyna jas til­shilerdi toptastyrdy, jýrnalıs­tı­kanyń qyr-syryn úıretip, kóp bilý, kóp oqý-toqý kerektigin nazarǵa saldy. – Al qolǵa qalam alǵan qazaq jýr­nalısi úshin til taǵdyry, el men jerdiń beriktigi, aýyl-eldiń bútin­di­gi, jalpy Otanymyzdyń patrıot­tyq úni, daýysy bolýy kerek, –deıdi Sh.Shalbaı. Kórgeni men bilgeni kóp, taý baýraıyndaǵy qa­sıetti jerdiń syr búkken ár tasyn sóılete alatyn, sarǵaıǵan qoıyn dápterlerin baılyǵy kóretin jý­r­nalıst aǵamyzǵa biz de shyǵar­ma­shylyq tabys tileımiz. Farıda BYQAI. Pavlodar oblysy.