Keshe О́skemen qalasynda bastalǵan Qazaqstan Respýblıkasy men Reseı Federasııasynyń aımaqaralyq qarym-qatynas jónindegi VII forýmy kezinde Bilim jáne ǵylym mınıstrligi Elbasynyń Dostastyq elderinde ıntegrasııalyq úderisterdi damytý týraly bastamasyn qoldaı otyryp, Reseıdiń órtten zardap shekken aımaqtarynyń oqýshylaryna gýmanıtarlyq kómek kórsetti.
Bul aksııaǵa joǵary oqý oryndarynyń, kásiptik-tehnıkalyq bilim berý uıymdarynyń, respýblıkalyq mekemelerdiń, balalardyń quqyqtaryn qorǵaý departamentteriniń ujymdary, pedagogtar men stýdentter belsene qatysty. Sóıtip, Qazaqstannyń pedagogtary men stýdentteri ózderiniń kórshi elge degen dostyq peıilderi men sezimderin bildirdi.
Reseı oqýshylaryna jalpy quny 12 mıllıon teńgeden asatyn mektepke arnalǵan kıimder, sómkeler, dápterler, boıaýlar, albomdar jáne basqa da keńse kerek-jaraqtary jóneltildi.
“Egemen-aqparat”.