Málimetter qaıshylyǵy joq

Tek túsinikteme qajet “Egemen Qazaqstan” gazetiniń qyrkúıektiń 3-i kúngi №358-359 sanynda jarııalanǵan “Eksport kólemi – 8 mln. tonna astyq” degen ma­qalada keltirilgen meniń, ıaǵnı “Azyq-túlik kelisim-shart kor­po­rasııasy” UK” AQ-tyń kom­mer­sııa­lyq máseleler jónin­degi basqarýshy dırektory Dáýlet Ývashevtyń pikirine túsinikteme qajet. Maqalada AQSh jáne QR aýyl sharýashylyǵy mınıstrlik­teri­niń Qazaqstandaǵy astyq tú­si­mi týraly boljamdary kel­ti­ril­gen. Mysaly, QR AShM bıyl jınalatyn astyq kólemi 13,5-14,5 mln. tonna degen boljam jasaǵan, al AQSh AShM Qazaqstandaǵy jınalatyn bıdaı kólemin 11,5 mln. tonna degen málimet taratty. Meniń túsindirgen málimetterimde   tek bıdaıǵa qatysty aıtylǵan. Al basqa dándi daqyldardyń ónimin (qara bıdaı, arpa, kúrish jáne t.b.) qosa eseptegende – shamamen 2,2 mln. tonna. Sondyqtan Qazaqstan­daǵy astyq túsimi týraly eki memlekettiń aýyl sharýashylyǵy mınıstrlikteri jasaǵan boljam bir-birine sáıkes keledi. Sonymen qatar osy maqalada keltirilgen “byltyrǵydan qalǵan astyq qory 3,2 mln. tonna” degen málimette tek “Azyq-túlik kelisim-shart korporasııasy” AQ-tyń qory týraly aıtylǵan. QR Statıstıka agenttiginiń aqparaty boıynsha elimizdegi as­tyq mólsheri 1-shi shildede shamamen 7 mln. tonnany, al 1 tamyzda 6,1 mln. tonnany qurady. Munda da málimetter qaı­shylyǵy joq. Qoǵamda ár­qıly  pikir týdyrmas úshin osy málimetterdi naqtylap jarııalaý­laryńyzdy suraımyn. Dáýlet ÝVAShEV, “Azyq-túlik kelisim-shart  korporasııasy” UK” AQ-tyń  kommersııalyq máseleler jónindegi basqarýshy dırektory.