Aqtaýda “Oazıs” atalatyn 256 páterli turǵyn úı kesheni paıdalanýǵa berildi. Bul úıdiń ereksheligi sol, ol qaladaǵy 24 qabatty eń bıik qurylys jáne 121 úlesker qarjysy tartylǵan nysan. Sondaı-aq oblys ákimi Qyrymbek Kósherbaev “Green park” atty keshenniń de paıdalanýǵa berilý saltanatyna qatysty. Sóıtip, oblys ortalyǵyndaǵy bitpeı qalǵan nysandar tapsyryla bastady.
Oblystyq arhıtektýra jáne qala qurylysy basqarmasynyń bastyǵy Jalǵas Babahanovtyń aıtýynsha, jaqyn kúnderi 400-ge jýyq úleskerlik qurylystar – “Nur úmit”, “Tańsholpan” turǵyn úı keshenderiniń qurylysy bastalmaqshy. Al jyl aıaǵyna deıin “Baǵys” JShS kóppáterli turǵyn úı keshenin paıdalanýǵa berý úshin jumystanýda. Jalpy, 2011 jyldyń aıaǵynda úleskerlik qurylystardyń máselesi oń sheshimin tappaqshy.
Jolaman BOShALAQ. AQTAÝ.