Biryńǵaı ınternet keńistigi bolady

Qazaqstan Respýblıkasynyń Baılanys jáne aqparat mınıstri Asqar Jumaǵalıev Qaznetti damytý jóninde  keńes ótkizdi. Oǵan Baılanys jáne aqparat mınıstrliginiń, “Qazkontent” AQ-tyń ókilderi jáne “Qazaqstan Internet assosıasııasy” ZTB mú­sheleri qatysty. Kezdesý bary­syn­da Qazaqstanda hostıngti, pırıngtik qatynastardy, elek­tron­dyq kommersııany damytý jaǵ­daıyn jaqsartýǵa qatysty máseleler talqylandy. Eske salatyn bolsaq, hostıngti damytý máselesi maýsymdaǵy kez­desýde kóterilgen bolatyn. Onda “Qazkontent” AQ “Qaztelekom” AQ jelilerine jeńildetilgen qolje­tim­di hostıng-alańdaryn qamtamasyz etý, sondaı-aq “megalaınerler” úshin olardyń resýrstaryn “ishki” etip jasaýdy usynǵan bolatyn. Kezdesý barysynda “Qaztele­kom” AQ kommersııalyq dırektory Asqar Eserkegenov, “Internet-trafıkpen almasý ortalyǵy” qaýymdastyǵyna kiretin kom­pa­nııalardyń alańdarynda ornalas­qan abonentterge áleýmettik paı­da­sy bar saıttarǵa tegin kirýge múm­kindik berý daıyndyǵyn habarlady. Balamaly hostıng alańdary ókilderiniń pikiri boıynsha, “Qa­zaqtelekom” usynysy – Qaznetti damytý isindegi alǵa taǵy bir qadam.  Mınıstr múddeli taraptarǵa onyń iske asyrylýyn sozbaýdy jáne usy­nysty “synaqtan iste ótkizý” úshin qanatqaqty saıttardy jedel anyqtaýdy tapsyrdy. “Qazkontent” AQ tóraǵasy Azamat Omarov “Qazaqstandyq bir­yńǵaı ınternet-keńistik qurý” týraly jáne oǵan basqa rynok oıynshylaryn qosý perspek­tıva­lary týraly kelisimge Alma TV, STS jáne Bazıs-telekom kompa­nııa­la­ry aǵymdaǵy jyldyń 16 ta­myzynda qol qoıǵany týraly habarlady. Májilistiń aıasynda Asqar Ju­maǵalıev “e-kommersııany damytý, qazaqstandyq ekonomıkany re­formalaýdyń, álemdik ekonomıkaǵa yqpaldastyrýdyń jáne básekege qabilettiligin arttyrýdyń qýatty jáne tıimdi quraldarynyń biri bo­lýy múmkin”, dedi. “AWARD.kz ulttyq ınternet-syılyq” qoǵamdyq qorynyń dı­rek­tory Konstantın Gorjankınniń sózinshe, “Internet-paıdalanýshy­lar úshin elektrondyq kommer­sııa­ny damytý – bul bárinen buryn jahandyq tańdaý, usynystardy jyl­dam salystyrýdyń múm­kin­shi­ligi, operasııalardy júzege asy­rý­dyń jáne baǵalardy tómendetýdiń qolaılylyǵy”. Baılanys jáne aqparat mı­nıstr­liginiń bas­shy­sy habar­la­ǵan­daı, búgingi kúni mınıstrlik osy má­selege kóp kóńil bólýde. Quryl­ǵan “elektrondyq úkimettiń tólem shlıýziniń” arqa­synda búginde por­tal arqyly aza­mattar keıbir qyz­met­terge tapsy­rys berip, salyq­tardy tóleı ala­dy. Sonymen qatar mınıstr on­laın­da tóleýge bolatyn servıster men qyzmetterdiń sany únemi artatynyn atap ótti. Internet-dúkenderge qazaqstan­dyqtardyń senimin arttyrý úshin kezdesýdiń barysynda “Senimdi dúken” qaýymdastyǵyn qurý týraly usynys aıtyldy. Qaýymdastyqtyń negizgi róli – elektrondyq kom­mersııa salasyna bedeldi sarapshy­lardy tartý arqyly barlyq qazaqstandyq Internet-dúkenderdi baǵalaý. Asqar Jumaǵalıev mınıstrlik otandyq ınternet-dúkenderge qa­zaqstandyqtardyń senimin artty­rýǵa baǵyttalǵan bastamalardy qoldaýǵa daıyn ekendigin aıtyp, óz sózin qorytyndylady.