Jańa kópir paıdalanýǵa berildi

Shyńǵyrlaý aýdanyndaǵy Ashy ózeninde jańa kópir paıdalanýǵa berildi. Aýdan ortalyǵynan shalǵaı ornalasqan Belogor, Poltava aýyldyq  okrýgteri­niń turǵyndary kóktem aılarynda Ashy ózeniniń tasýy kezinde jol qa­tynasy turǵysynda  kóptegen qıyn­dyqtarǵa kezdesetin. Sondyqtan da  bul másele birneshe jyldardan beri kún tártibinen túspeı kele jatqan edi. О́tken jyly osy jerde kópir qury­lysy qolǵa alynyp, bul maqsatqa ob­lys bıýdjetinen 195 mln. teńge qarjy bólingen bolatyn. Konstıtýsııanyń 15 jyldyǵymen tuspa-tus kelgen kópirdiń ashylý sal­ta­natynda oblys ákiminiń oryn­ba­sa­ry Erbol Salyqov, aýdan ákimi Aı­bo­lat Seıtaqov, oblystyq jolaý­shy­lar kóligi jáne avtomobıl joldary basqarmasy bastyǵynyń mindetin atqarýshy Talǵat Qarasaev jáne qu­ry­lysty júrgizýshi “OrıonStroı ser­vıs” mekemesi dırek­torynyń orynbasary Sálimjan Kýbaev jer­gi­likti turǵyndarǵa jaqsylyq tilep, jańa nysannyń paıdalanýǵa beri­lýi­men  quttyqtady. Atalmysh nysan – ob­lys boıynsha salynyp otyrǵan 62-shi kópir. Onyń uzyndyǵy – 63 metr. Poltava aýylynyń aqsaqaly Es­maǵzom Shamǵulov Elbasy tapsyrma­sy­na sáıkes óńirde atqarylyp jatqan jumystarǵa rızashylyǵyn bildirdi. Temir QUSAIYN. Oral.