Bizdi tabysqa uıymshyldyq jetkizdi

Oqıǵaǵa oraılas oı

Qazaqstan Respýblıkasynyń Kons­tıtýsııasy kúnine oraı eli­miz­de kóptegen sharalar uıymdas­ty­ryldy. Sonyń ishindegi basty oqıǵa Elbasy – Qarýly Kúshterdiń Jo­ǵarǵy Bas qolbasshysy Nursultan Nazarbaevtyń qatysýymen “Qazaq eli” monýmenti janyndaǵy bas alańda ótken Ata Zańymyzdyń 15 jyldyǵyna arnalǵan áskerı sherý. Sherý tuńǵysh ret 2009 jyly As­tana qalasynda “Qazaq eli” alań­ynda ótkenin kózi qaraqty oqyr­man jaqsy biledi. Oǵan 120-dan astam qarý-jaraq pen áskerı tehnıka, 40-tan astam ushaq pen tikushaq tartyldy. Al endi bıylǵy jylǵy sherýdiń ózgesheligine toqtalyp óteıik. Ta­myz aıynda talaıdy tamsandyrǵan áskerı sherýge barlyq ásker tek­te­ri men túrlerinen jaýyngerlik esep­toptar, 150-den astam qarý-ja­raq pen áskerı tehnıka jáne 66 avıasııalyq tehnıka qatysty. Sherýshilerdiń jalpy sany 2200 adamdy qurady. Olardyń qataryn­da ofıserler, kelisim-shart boıyn­sha áskerı qyzmetshiler, áskerı oqý oryndarynyń kýrsanttary men merzimdi qyzmettegi sarbazdar boldy. Bıyl Otan qorǵaý jolyndaǵy jaý­yngerlik tapsyrmalardy erler­men birge oryndap júrgen áskerı áıelderden quralǵan eseptop tuń­ǵysh ret jarq etti. Jaýynger boı­jetkender ońtústik jáne shyǵys óńirinde qyzmet etetin qyzdardan quraldy. Eń tamasha kórinis bolyp avıa­sııalyq tehnıkany aspan kóginde qa­lyqtatqan ushqyshtardyń sheber­ligi kópshiliktiń kókeıinde qaldy. Bul rette armııalyq jáne maıdan­dyq avıasııanyń Sý-25, Sý-27, MıG-29, MıG-31 ushaqtary, Mı-17 jáne Mı-26 tikushaqtary, sondaı-aq Tótenshe jaǵdaılar jónindegi mınıstrliktiń usynǵan L-39, An-26, Tý-134 jáne Il- 76 áskerı-oqý jáne áskerı-transport ushaqtaryn urshyqsha ıirgen ushqyshtarǵa myń alǵys. Mehanıkalandyrylǵan kolon­na­da Qazaqstan Qarýly Kúshteriniń negizgi tanki – T-72B, jaıaý ás­kerlerdiń jaýyngerlik máshınesi – BMP-2, zenıtti-raketalyq keshen­der “Strela-10”, S-125, S-200, S-300, bronetransporterler – BTR-80A, 122 mm-lik D-30 jáne 152 mm-lik “Msta-B” gaýbısalary, 240 mm-lik “Tıýlpan” mınometi, “Grad”, “Ýra­gan”, “Smerch” sııaqty reak­tıv­­ti qondyrǵylar júıesi men “Toch­­ka-Ý” raketalyq kesheni ar­mııamyzdyń aıbary men qaýqaryn asqaqtatty. “Toıdyń bolǵanynan boladysy qyzyq” demekshi, áskerı sherýge áz­ir­liktiń qyzyǵy da, shyjyǵy da je­terlik. Jeke qurammen sapta jú­rý sabaqtaryn ótkizý ony jatty­ǵý­larda júzege asyrý, ózara is-qı­myl­dy uıymdastyrý jáne ásker­lerdi tehnıkalyq qamtamasyz etý keshegi mı qaınatqan ystyqta ta­laıdyń terin tókkeni ras. Bul jumystardy uıymdastyrý Qurlyq áskerleri bas qolbas­shy­sy­nyń qarý-jaraq jónindegi oryn­­ba­sary general-maıor A.Ospanov pen Áýe qorǵanysy kúshteri bas qol­basshysy basqarmasynyń Áske­rı áýe kúshteri bas ınjeneri pol­kovnık E.Podgaıskııge, Raketa ás­kerleri men artıllerııasy qol­bas­shysynyń orynbasary polkovnık A.Tıhonenko men QR QK Qarý-jaraq bas basqarmasynyń bastyǵy polkovnık B.Sydyqovqa júktelip, júzege asyrylǵany belgili. Áskerı sherýde tuńǵysh ret shyn­jyr tabandy áskerı tehnı­kalar T-72 tankisi, BMP-2 jaıaý áskerlerdiń jaýyngerlik máshınesi, “Strela-10” zenıtti-raketalyq ke­sheni ózdigimen asfaltpen júrip ót­ti. Kópshiliktiń tańǵalǵany as­falt joldyń zaqymdanbaýy edi. Sebebi, shynjyr tabandy tehnı­ka­lar arnaıy kebispen jabdyqtaldy. Bul Qorǵanys mınıstrliginiń basqarýyndaǵy “NK “Qazaqstan ınjınırıng” aksıonerlik qoǵamy­nyń enshiles kásiporny “811 ARZ” aksıonerlik qoǵamynyń kúshimen iske asty. “811 ARZ” aksıonerlik qoǵamy qysqa merzim ishinde Qorǵanys mı­nıstrligi úshin asfaltta júrýge arnalǵan kebisti ázirlep ony sy­naq­tan ótkizdi. Atalmysh ónim ózi­niń sapasy jaǵynan sheteldik dú­nıe­lerden birde-bir kem emes eken­digin dáleldedi. Tehnıkalyq qamtamasyz etý ju­mystaryn júıeli júrgizý maq­sa­tynda quramynda 35 adam men 12 jyljymaly jóndeý jabdyǵy bar jóndeý brıgadasy quryldy. Qarý-jaraq pen áskerı tehnıkany der ke­zinde tıeýge jáne kóshirýge, son­daı-aq jeke quramdy tasý úshin aý­yr salmaqty júkterdi tıeıtin tral­dar, jalpy sany 90-nan astam avtokólik bólindi Sonymen qatar sherýdi ótkizýde raketalyq artıllerııalyq qarýǵa – “PZTM” aksıonerlik qoǵamy men brondy tankilerge – “Semeı ın­jınırıng” aksıonerlik qoǵamy sı­ıaqty otandyq óndiris kesheni ká­sip­oryndarynyń erekshe tehnı­kalyq qyzmet kórsetkenin atap ótken oryndy. Qarýly Kúshter men qorǵanys óndiristik kásiporyndary arasyn­daǵy ózara baılanysty uıymdas­tyrýǵa Qorǵanys mınıstrligi Ás­kerı-tehnıkalyq saıasat depar­ta­men­tiniń bastyǵy polkovnık M.Qa­­rabekov pármendi basshylyq jasady. Keshegi ótken sherýde Qarýly Kúsh­­terimizdiń múmkindikteri men ále­ýeti ǵana emes, sonymen birge búkil Qazaqstan halqynyń táýel­siz­dik jyldaryndaǵy jetken je­tis­tikteri kórsetildi desek oryndy bolmaq. Júnis OMAR, polkovnık, QR QM baspasóz qyzmeti bóliminiń bastyǵy.