Qupııasyz otbasy, synǵa túspeıtin mahabbat joq

“Habar” telearnasy jańa telemaýsymda “Janym” telehıkaıasyn kórermenderge tartý etpek Taıaý kúnderi otandastarymyz “Habar” telearnasynda “Janym” atty jańa serıaldy qyzyqtaıtyn bolady. Osylaısha “Habar” agenttigi” AQ óziniń 15 jyldyq mereıtoılyq maýsymyn tosyn hıkaıamen bastaǵaly otyr. Kóretin kóz, bara­tyn adam bol­sa, búginde qazaq kı­nematogra­fııa­synda tyń týyn­dy­lar dúnıege ke­lýde, kınoteatrlar­da jańa fılm­derdiń preme­ra­la­ry júrip jatyr. Al “Habar” telearnasy usyn­ǵaly otyrǵan “Janym” kórermen kútkendeı dúnıe bolar-bolmasy aldaǵy kúnderdiń enshisinde. De­genmen, teleserıaldyń avtorlary ol kórermen kóńilinen sózsiz shy­ǵatynyna sendirip otyr. “Habar” agenttiginiń krea­tıv­ti dırektory Erjan Súleımenov: – Bul maýsymda biz kıno­kór­setilimderge kóp kóńil bóletin bo­lamyz. Efırde ekshn de, álemdik klassıka da bolady. Biraq, jańa telemaýsymda “Janym” telese­rıa­lynan bastaýdy jón kórdik. Biz kó­rer­menderimizge taǵy da otbasylyq telehıkaıany usynamyz. Bul jáı sánge aınalǵan úrdiske ilesý ne­mese reıtıng qýalaý emes, otba­syn­daǵy tatýlyq, sha­ńy­raqtaǵy jylýlyq, bárimizdi birik­tiretin syılastyq pen sezim týraly hıkaıa, – deıdi. Telehıkaıada tanymal akter­lar­men birge, jas talanttar, tipti kezdeısoq qabiletti jandardy tabýǵa bolady. Qyz Jibek atymen qazaq kınematografııasynyń shejiresine esimi engen Merýert О́tekeshova basty rólderdiń birin oınaıdy. – Kóńilden shyǵar jumys ti­lep júrgen kezim edi. Jumys bol­ǵanda da, tereń, oıly, maǵynaly, psıholo­gııalyq ról bolsa dep armandap júr­gem. Dál osy usynys meniń kóńi­lim­nen shyqty da, “Ja­nym” jobasyna qatysýǵa qýana kelisim berdim, – deıdi О́teke­shova. Bul joly biz Merýert ha­nym­dy múlde jańa qy­rynan kó­retin bolamyz. Basty ról­derdi oı­naıtyn­dardyń qatarynda Orazhan Kenebaev, Ǵanı Quljanov syndy tanymal akterlar, Marjan Qazy­baeva, Dastan Shákirov, Iаna Bob­ryka, Sýltanna Kárimova se­kil­di daryndy jastar bar. Se­rıaldyń óne boıynda “Janym” ánin Medeý Arynbaev oryndaıdy. “Janym” teleserıalynyń alǵashqy maýsymy 70 serııadan tu­rady. Serıaldy túsirý barysynda jańa tehnologııalyq sıkl qolda­nylady, ıaǵnı kúnine bir serııadan túsirilip otyrady. Akterlarǵa tú­sirý alańynda túnemese de, táýli­g­i­ne 12 saǵat jumys isteýge týra ke­lýde. 40 adamnan quralǵan túsirý toby búkil jaz boıy kúndiz kúlki, túnde uıqy kórmeı eńbektenip jatqanyna sene berińiz. “Men óz­im­niń kınematografıst-árip­tes­te­rimmen sóıleskenimde olardyń esh­qaısysy áli kúnge deıin os­yn­daı yrǵaqta jumys istep kórmepti. Bizder serıaldyń alǵashqy blo­gyn, 12 serıaldy 12 kúnde túsirip bittik”, deıdi fılmniń qoıýshy-rejısseri Baqtııar Seıitqazıev. Qalaı desek te, “súıegi” myq­ty ssenarıı týyp jatsa, bizde ony kelistirip beıneleıtin talant­tar tabylady. Bul serıaldyń taǵy bir ereksheligi – bas aıaǵy bútin, daıyn ádebı shyǵarmaǵa qurylǵan. Ssenarıı teleserıaldyń prodıý­se­ri Álııa Ývaljanovanyń “Tý­ys­qandarym meniń” deıtin daıyn kórkem dúnıesiniń negizinde týǵan. Sonymen jańa teleserıaldyń tusaýkeserine baılanysty ótken baspasóz máslıhatynda “Janym” se­rıalynyń maqtaýy men jar­na­masynan kemshin kóre qoımadyq. Qaı kezdegideı, qazaq tildi jýr­na­lısterdiń “Serıal nege memle­ket­tik tilde jasalynbady?” degen sa­ýalyna, túsirý toby tómendegideı ýáj aıtty. Qys­qasy, atalmysh telehıkaıa aldaǵy ýa­qytta kórshi elderde, TMD aýmaǵynda tele­pro­­katta júretin bolady. Aınash ESALI. Almaty. ------------------------------- Sýretti túsirgen Iýrıı BEKKER.