Dóńgelek ústel basynda naqtylana tústi

О́skemende ótken Qazaqstan men Reseı arasyndaǵy jetinshi óńirara­­lyq forým jumysyna bılik ókil­d­e­ri, kásiporyn basshylary, kásip­ker­lermen birge joǵary oqý oryn­darynyń tizginin ustap otyrǵan bilikti maman-ǵalymdar da kóptep qatysqan-dy. Ǵylym men bilim tá­­jirıbesin naqty is júzine usynýǵa solar muryndyq bolatyndyqtan, onyń ońdy qadam ekendigin qup­ta­masqa bolmaıdy. Aıtqandaı-aq, forým jumysy jú­rip jatqan shaqta eki eldiń jo­ǵary oqý oryndary basshylarynyń arasynda túrli mazmundaǵy ondaǵan kelisim-shartqa qol qoıylyp úlge­rildi. Máselen, Shákárim atyndaǵy Semeı memlekettik ýnıversıtetiniń rektory, akademık Erlan Sydy­qov­tyń bastamasymen jergilikti ýnıver­sıtet jáne Irkýtsk memle­ket­tik aý­yl sharýashylyǵy akade­mııa­sy men Altaı memlekettik pe­dagogıka aka­demııasy arasynda ma­ńyz­dy qujatqa qol qoıyldy. Ár­qaı­sysynyń jet­pis-seksen jyl­dyq tarıhy bar mun­daı joǵary oqý oryndarymen shart­qa otyrý ýnı­ver­sıtet bolyp quryl­ǵanyna on jyl­dan endi ǵana asqan semeı­lik­ter úshin qanshalyqty tıimdi eken­digi aıtpasa da túsinikti. Jáne bul kelisim-sharttardyń qa­ǵaz júzinde qalyp qoımaıtyn­dy­ǵyna sengiń keledi. Sonyń naqty aıǵaǵyndaı, joǵaryda atalǵan fo­rým jumysy aıaqtalmaı jatyp, Shá­kárim atyndaǵy Semeı mem­lekettik ýnıversıtetinde “Shákárim atyndaǵy ýnıversıtet álemdik akademııalyq reıtıng aıasynda” degen taqyryppen dóńgelek ústel ótkizildi. Onyń jumysyn qysqasha sóz sóılep ashqan ýnıversıtettiń birinshi prorektory Ásemgúl Mol­da­janova О́skemende ótken fo­rým­nyń mańyzy men onyń bola­shaq­taǵy nátıjesine toqtaldy. Dóń­ge­lek ústel jumysyna arnaıy kelip qatysqan Irkýtsk memlekettik aý­yl sharýashylyǵy akademııasy­nyń rektory Iýrıı Vashýkevıch pen Al­taı memlekettik pedagogıka aka­de­mııasynyń prorektory Igor Kra­sılnıkov te óz oqý oryndarynyń tarıhy jóninde aıta kelip, mundaı ózara baılanystyń jemisti bola­tyndyǵyna senim bildirdi. Dóńgelek ústel jumysyna, son­daı-aq Ulybrıtanııadaǵy Tomson Reýters agenttiginiń Ortalyq jáne Shyǵys Eýropadaǵy óńirlik dırek­tory Devıd Horkı arnaıy kelip qatysyp, atalǵan agenttiktiń Se­meı­degi tusaýkeser rásimin jasady. Osyndaı sharalardyń bári qosyla kelgende, shyndyǵynda álgindeı al­qaly jıynnan sońǵy jerde eli­mizdiń shet aımaqtarynda da ǵylym men bilimniń qaryshtap damı túsetindigin aıǵaqtaı ma deımiz. Dáýlet SEISENULY. Semeı. * * * JAS BOLSA DA BAS BOLMAQ Qostanaı qalalyq máslıhatynyń sońǵy sessııasynda Gúlnara Ora­lovany depýtattar hatshy etip saı­lady. Endi ol oblystaǵy qalalyq, aýdandyq máslıhattardyń arasynda eń jas hatshy bolyp otyr. Gúlnara Álimjanqyzy Qarasý aýdanynda orta mektepti 2000 jyly támamdady. Odan keıin Qostanaı bıznes-kolledjin óte jaqsy bitirip, “ASPreDKO” zańdy tulǵalar qaý­ymdastyǵy dırektorynyń assısten­ti bolyp istedi. 2004 jyly ol óziniń bastamasymen “Qostanaı oblystyq kásipkerler odaǵy” qoǵamdyq uıy­myn qurdy. Odan keıin “Qostanaı qalasy shaǵyn kásipkerlik odaǵy” zańdy tulǵalar qaýymdastyǵyn quryp, shaǵyn bıznestiń damýyna úles qosty. Talapty jas úkimettik emes uıym jumysyn shyr aınaldyryp júrip, bilimin tereńdetýdi de umytpady. Ol Qaraǵandy ekonomıkalyq ýnıver­sıtetin bitirip, qarjy bakalavrıa­tynan biliktiligin kóterdi. Ol sońǵy jarty jylda Qostanaı qalalyq máslıhaty hatshylyǵy mindetin atqarǵan bolatyn. Isti jaqsy or­yndaǵanyn, joǵary jaýapkershi­li­gin, uıymdas­ty­rýshylyǵyn eskerip, onyń árip­testeri sessııada Gúlnar­dyń qalalyq máslıhattyń hatshysy bolýyna daýys berdi. Jas kelse iske! Názıra JÁRIMBETOVA. Qostanaı.