Júrekte qalar esim

О́mir shirkin, qashanda óz de­genin istemeı qoımaıdy eken. Qar­taımaımyn deseń de shashyńa aq qyraý túsip, bet-aýzyńdy ájim tor­laǵanyn ańǵarmaı da qalasyń. Máń­gi jasaǵym keledi dep qııal­da­ǵanyńmen, sum ajaldan qasha al­maı­syń. Bul – adamzat úshin dá­lel­deýdi qajet etpeıtin aqıqat. Ol tek bir qudiret kúshi – Allaǵa ǵana má­lim tylsym syr. Alaıda, halqyńa súıikti, qa­dir­li ári adal qyzmet is­tep, ult bolashaǵy úshin ómir súrgen erekshe azamattyń aıaq astynan ajal qushýy kimdi de bolsa ókindirmeı qoımaı­dy. Qazaq rýhanııatynyń kór­nekti tulǵasy, qazaq sheji­re­siniń tarıhyn bútindep artyna ósh­pes iz qaldy­ryp ketken halqy­myz­d­yń abzal aza­maty Aqseleý Seıdim­bek esimi ha­lyq júreginde máńgi q­a­la­ry­na esh­kimniń de kúmáni bola qoımas. О́tken jyly qasıetti oraza aıynyń Qadir túni óte salysymen, tańerteń kúlli qazaq jurtyna Aq­seleý aǵanyń qaıtqany jóninde qaraly habar tarap, jurttyń eńsesi túsip qalǵan edi. О́tken senbi kúni, týra bir jyl­dan keıin Astananyń №54 mek­tep-lıseıinde halqymyzdyń qa­dir­li azamaty, belgili ǵalym, etno­graf-jazýshy, ári jýrnalıst Aq­se­leý Seıdimbek atyndaǵy memorıal­dyq murajaı ashylyp, eske alý boldy. Murajaıdyń saltanatty ashy­lýy­­­na qazaq rýhanııatynyń aldyń­ǵy shebinde júrgen el aǵalary men aıaýly jannyń urpaqtary, jora-joldastary, mektep ustazda­ry men oqýshylar qatysty. Ǵalym­nyń ómiri jaıly kóptegen estelik­ter aıtylyp, jastarǵa úlken ónege bolarlyq ǵalymnyń izgi adamger­shi­ligi, halqyna degen adal eńbegi men súıispenshiligi jaıly sóz qozǵaldy. Murajaıdyń ashylý rásiminde sóz sóılegen №54 mektep-lıseıiniń dırektory Umsyn Nurjigitqyzy: “Búginde elimizge belgili ǵalym, ja­zýshy, Memlekettik syılyqtyń laý­reaty Aqseleý Slanuly Seıdim­bektiń esimin Astanadaǵy №54 mek­tep-lıseıge berý jónindegi qala­lyq más­lıhattyń sheshimi bar. Endi, osyǵan baılanysty arnaıy qaýly shyqqan­nan keıin, bizdiń mekte­bi­mizge Aqseleý aǵamyzdyń aty be­ri­ledi”, – dep jı­nal­ǵan kópshilikti bir qýantty. Mu­ra­jaıdyń ashylýy osy izgi istiń tek bas­tamasy eken­­di­gin atap ótken ol aq jú­rekti aǵa­nyń esimi osy mektepke be­rilýi kerek­ti­gin qalalyq ákimdikke jetkizetinin aıtty. Memorıaldy murajaıǵa ǵalym­nyń jeke zattary, óz qolymen jasalǵan qobyzy, dombyrasy jáne shańqobyzy qoıylyp, jazýshynyń shyǵarmashylyq ómirinen syr sher­tetin fotosýretter men kitaptar kór­mesi uıymdastyryldy. Aqseleý Seı­dimbektiń qyzmettik dúnıel­e­rin de osy murajaıdan kórýge bo­lady. Qabyrǵaǵa ilingen Aqseleý aǵanyń: “Kóktegi kúnge, jerdegi eli­me meıi­rimim qanbady” dep aıt­qan bir aýyz sózi adamnyń janyn erekshe tebiren­tedi. Al murajaıdyń kirebe­risine ornatylǵan Aqseleý aǵanyń bıýst úlgisindegi eskertkishi de adamnyń sezimine áser etpeı qoımaıdy. Mırza Fatalı Ahýndovtyń: “Pat­­­rıot – otanynyń mereıin ús­tem etý jolyna, óz halqyna degen súıispenshiligi jolynda qolda ba­ryn, ómirin aıamaıtyn adam”, – dep aıtqa­nyndaı, Aqseleý Seıdimbek na­ǵyz eldiń patrıoty, ult maqta­nyshy ári janashyry, halqymyz­dyń iri tul­ǵasy bolyp tarıhtyń betinde, urpaq júreginde máńgi qala bermek. Araı ÚIRENIShBEKQYZY. Sýretterdi túsirgen  Orynbaı BALMURAT.