Áleýmettik ıdeıalar jármeńkesi

Aqmola oblystyq ishki saıasat basqarma­sy­nyń oqý-ádistemelik ortalyǵynda “Sa­la­matty bolashaq” oblystyq jastar bir­les­tiginiń qoldaýymen “Áleýmettik ıdeıalar men jobalar” jármeńkesi ótkizildi. Arnaıy kór­mege oblys­taǵy 400-den astam qoǵamdyq birlestik usynǵan eńbek­terden tańdaýly 20-sy iriktep alyndy. Jurtshylyq nazaryna usynylǵan jumys­tar­dyń avtorlary údemeli damý ústindegi táýel­siz memleketimizdiń aıshyqty tabystaryn pash etý­men qatar, ekonomıka men áleýmettik salany bá­­sekelestik ortaǵa beıimdeý, ıdeolo­gııa­lyq saıa­satty jetildirý, qoǵamdyq belsendilikti art­tyrý baǵytyndaǵy ustanymdaryn dáıekti dáleldeı bildi. Básekelestik demekshi, osynaý ıntellek­týal­dyq saı­ysta da oza shapqandar báıge tórinen kórindi. Uıym­das­tyrý alqasy bes nomınasııa boı­ynsha oblys orta­ly­ǵynyń “Tomırıs”, Stepnogordyń “Desantnoe bratstvo”, Arshaly aýdanynyń “Al­taır”, “Qorǵaljyn jastary”, Sandyqtaý aýdany­nyń “Jas órken” qoǵamdyq uıym­da­ryn jeńimpaz dep tanydy. Olardy oblys ákimi S.Dıa­chen­ko men oblystyq ishki saıasat basqarmasynyń bastyǵy G.Shókeva quttyqtap, sertıfıkattar tapsyrdy. Baqbergen AMALBEK, Aqmola oblysy.