Otandyq ónimge baǵdar

Keshe “Lokomotıv qurastyrý zaýyty” AQ bazasynda Evolution serııasyndaǵy lokomotıvterdi qurastyrýǵa qajetti qosalqy bólshekter men jıyntyq materıaldarynyń tusaýkeseri boldy. Bul Qazaqstannyń údemeli ındýstrııalyq-ınnovasııalyq damý baǵdarlamasyn júzege asyrý aıasynda ótkizildi. Sharaǵa máshıne jasaý óndirisiniń qosalqy bólshekterin shyǵarýǵa mamandanǵan 35 otandyq kásiporynnyń ókilderi qatysty. Tusaýkeser rásimi kezinde “Lokomotıv qu­ras­­tyrý zaýyty” AQ pen “Shyǵysmashzaýyt” AQ, “Petropavl aýyr máshıne jasaý zaýyty” AQ, “Kırov atyndaǵy máshıne qurastyrý za­ýyty” AQ arasynda eki jaqty kelisimderge qol qoıyldy. “Lokomotıv qurastyrý zaýyty” AQ “Qa­­zaqstan temir joly” UK” AQ-tyń enshiles ká­­siporny “Lokomotıv” AQ-tyń quramyna ki­re­di. Amerıkalyq “General Elestris” kom­pa­nııasynyń tehnologııasy boıynsha magıs­tral­dyq teplovoz qurastyrý zaýytynyń ashylý saltanaty 2009 jyly shildeniń 3-inde Qazaq­stan Prezıdenti Nursultan Nazarbaevtyń qatysýymen ótkizildi. Evolution serııasyndaǵy alǵashqy teplovoz 2009 jyly jeltoqsannyń 7-sinde qurastyryldy. Zaýyt ashylǵaly beri TMD rynogyna shyǵarý maqsatynda Reseı Federasııasynyń sertıfıkattaý reestrinen 16 lokomotıv ótkizildi. “Qazaqstan temir joly” AQ-pen onyń en­shi­les kompanııalary otandyq ónim óndirý­shilerdiń úlesin ósirip keledi. 2010 jyly QTJ satyp alý men taýar óndirýshilerge suranys jasaýda qazaqstandyq ónim óndirýshilerdiń úlesin 70 paıyzǵa deıin jetkizgen. Kompanııadaǵy máshıne jasaý salasyndaǵy otandyq ónim óndirýshilerdiń qatysy 2008 jyly 10 mlrd. teńge kóleminde bolsa, ony 2015 jyly 300 mlrd. teńgege deıin kóterip, 30 esege ósirýdi josparlap otyr. Temir jol salasyn qazaqstandyq jyljymaly qurammen qamtamasyz etý 50 paıyzdan 90 paıyzǵa deıin jetkizilmek. Sóıtip, QTJ satyp alýdaǵy otandyq ónim óndirýshiler úlesin 2015 jyly 95 paıyzǵa deıin jetkizýdi mejeledi. Buǵan deıin kompanııa otandyq ónim óndi­rý­shilerge temirjolǵa qajetti 2820 túrli qosal­qy bólshekter men materıaldar shyǵarýǵa usy­nys jasaǵan bolatyn. Búgingi tańda 43 qa­zaqstandyq zaýyt 484 ónim túrlerin ıgerdi. Jyl aıaǵyna deıin muny 880- ge jetkizý jos­parlanyp otyr. Ábdirahman QYDYRBEK, Astana.