Mańyzdy shara

Jetim kórseń jebeı júr! О́skemende úsh kúnge sozylǵan je­tim balalar men ata-analarynyń qamqorlyǵynsyz qalǵan balalarǵa arnalǵan bilim berý uıymdary dı­rektorlarynyń jáne balalar qu­qyqtaryn qorǵaý mamandarynyń qatysýymen respýblıkalyq keńes ótkizildi. Mundaı mańyzy bar jı­yn jıi ótkizile bermeıdi. Onyń ús­tine Prezıdent N.Nazar­ba­evtyń “Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý sha­ralary týra­ly” ústimizdegi jyldyń 17 tamyz­daǵy Jarlyǵyn júzege asy­rý boı­ynsha birqatar máseleler talqy­lan­dy. Keńes jumysyn ob­lys ákimi Ber­dibek Saparbaev ash­yp, alda tur­ǵan mindetter jaıly aıtyp berdi. Elbasy Jarlyǵyndaǵy mindetterdi oryndaýǵa jaýapkershi­likpen qaraǵan jón, onyń ústine jetim balalar prob­lemasy búkil álemdi tolǵan­dyryp otyr, dedi óńir basshysy. Keńeıtilgen otyrys sheńberinde balalardy qorǵaý jáne balany shet­eldik asyrap alýǵa qatysty yn­tymaqtastyq týraly konvensııa­nyń ratıfıkasııalaýy aıasynda qor­ǵanshylyq jáne qamqorshylyq organdardyń jumysyn uıymdas­ty­rýdaǵy ózekti máselelerdi, onyń ishinde birqatar normatıvtik-quqyq­tyq aktilerdi talqylaý boldy. Er­teń­inde keńeske qatysýshylar “Úm­it” balalar úıinde bolyp, onda tár­bıelenip jatqan jetim balalarǵa barlyq jaǵdaı jasalyp otyrǵan­da­ryna kóz jetkizdi. Balalar úıiniń dırektory Maıra Beısaqanova óz ju­mystary jaıly baıandap, bala­lar demalatyn bólmelerdi kórsetti. Sol kúni keshkilik “Úmit” ba­lalar úıiniń tárbıelenýshileri qala qonaqtary men turǵyndaryna “Úmit arýy” atty saltanatty shoý­dy usyn­dy. Myń buralyp, bıle­gen, birneshe tilde án shyrqaǵan, óz ónerlerimen tánti etken balalar ónerine jınalǵandar joǵary baǵa berip, olarǵa sát sapar tiledi. Ońdasyn ELÝBAI. О́skemen.