Tilge qurmet – elge qurmet

Kóp jyldardan bergi tynymsyz eńbek pen óz-ózimizdi qamshylaýdyń arqasynda qazir ózge ult ókilderiniń birazy qazaqsha sóıletin boldy, sóıleı almasa da túsinetin deńgeıge jetti. Tipti balalaryn qazaqsha balabaqsha men mektepterge berip jatqan ata-analardyń da qatary kóbeıip kele jatqany, shynymen de qýantatyny ras. Memleket tarapynan kórsetil­gen durys baǵyt-baǵdar men naqty qadaǵalaýdyń arqasynda búgingi tańda qazaq tiliniń shylbyry ká­dimgideı uzardy. Memlekettik tilge qatysty kóptegen respýblıkalyq deńgeıdegi jarystardyń jappaı ótkizilýi de ózge ult ókilderiniń qa­zaq tiline degen qyzyǵýshy­lyq­taryn, elge degen qurmetterin kórsete bastady. Elimizde turatyn barlyq et­nos­tardyń tilderin qurmetteı otyryp, olarǵa jan-jaqty jaǵdaı jasalǵany belgili. Sondaı-aq “Úsh tildiń birligi” atty mádenı jo­ba­nyń da júzege asyp jatqany  til baǵdarlamasynyń belsendi jalǵasyp jatqandyǵynyń kýá­sin­deı. Memlekettik til mártebesin nyǵaıtýda, onyń qoldanys aıasyn keńeıtýde jáne damytýda  “Nur Otan” HDP erekshe ynta tany­typ, til saıasaty salasynda qaý­qar­ly jumystar atqaryp kele jatqanyn da aıtyp ótsek deımiz. Osydan biraz ýaqyt buryn “Nur Otan” HDP-nyń uıytqy bo­lýymen “Tilge qurmet – elge qurmet” atty respýblıkalyq baı­qaý uıymdastyrylǵan bolatyn. Minekı, sol baıqaýdyń qorytyn­dy­sy belgili bolyp, keshe “Nur Otan” HDP-nyń Ortalyq appa­ra­tynda jeńimpazdardy marapattaý rásimi ótkizildi. Baıqaý memlekettik tildi damy­týǵa arnalǵan úzdik maqala, tele-radıohabarlar men jobalar, mem­lekettik tildegi úzdik ınternet jo­ba­lar, sondaı-aq memlekettik tildi qoldaýǵa úles qosqan úzdik shara­lar, uıymdar syndy birneshe ata­lymdar boıynsha júzege asyryl­dy. Elimizdiń barlyq óńirinen 200-den astam ótinish kelip tússe, so­lardyń 20-ǵa jýyǵy “Nur Otan” HDP-nyń maqtaý qaǵazy men syıaqysyna ıe boldy. Marapattaý rásiminde jeńim­paz­dardy quttyqtaı kelip, “Nur Otan” HDP Tóraǵasynyń birinshi orynbasary Nurlan Nyǵmatýlın: “О́zderińiz jaqsy bilesizder, memleketimiz úshin de, halqymyz úshin de til máselesi árqashan da qa­dirli, árqashan da qasterli. Sol úshin de Elbasymyz, partııa­myz­dyń Tóraǵasy Nursultan Na­zar­baev kópultty Qazaqstanymyzda tilge erekshe kóńil bólip keledi. Prezıdentimizdiń tikeleı tap­syr­masymen atqarylǵan mańyzdy jumystardyń arqasynda búgingi kúni árbir ult óz tilin, mádenıetin da­mytyp qana qoımaı, memle­ket­tik til – qazaq tiliniń aınala­syn­da toptasýǵa, birigýge qadam jasap otyr. Bul – bizdiń táýelsiz mem­le­ketimiz úshin úlken jetistik”, – dedi. О́z kezeginde baıqaýǵa qatysý­shylar osyndaı ıgilikti sharaǵa uıytqy bolyp otyrǵan bıleýshi partııaǵa degen ystyq yqylas­taryn bildirdi. Araı ÚIRENIShBEKQYZY.