Azıada jarshysy

“Egemen Qazaqstannyń” VII Qysqy Azııa oıyndaryna arnalǵan sársenbilik beti JABYQ KONKI TEBÝ STADIONY Astanada Qysqy Azııa oıyndaryna arnalyp salynyp jatqan Esil ózeniniń sol jaǵalaýyndaǵy jabyq konkı tebý stadıony – TMD elderiniń ishinde teńdesi joq, búkil dúnıe júzindegi saýsaqpen sanarlyqtaı ǵana sport ordalarynyń biri. Qazir jer-júzi boıynsha mundaı qysqy sport túrlerine arnalǵan stadıondar altaý ǵana bolsa, elorda tórinde boı kóterip jatqan alyp arenanyń solardyń ishindegi eń sáýlettisi de, dáýlettisi de bolatyny sózsiz. О́ıtkeni, onyń eńsesi, bıiktigin aıtpaǵanda, tórt bloktan turatyn, qazirgi zaman talaptaryna saı úsh qabatty jabyq muz aıdy­ny, jeti qabatty qonaq úıi, bes qabatty fıt­nes-ortalyǵy men úsh qabatty ákimshilik ǵıma­ra­ty bolsa, kórermenderge arnalǵan 8711 orny bar. Jaqynda stadıonnyń salyný barysy, onyń oıyndarǵa daıyndyǵy jóninde málimet alý úshin alyp keshenge barǵanymyzda, qurylystyń bas merdigeri – túrkııalyq “Sembol – Ýlýslararasy” kompanııasynyń basshylarynan óz isiniń bilgiri, ózi birneshe jyldan beri osy jumyspen aınalysyp kele jatqan atalmysh fırmanyń sáýletshisi Alpar Týnamen kezdesip, odan bizdi qyzyqtyrǵan suraqtarǵa jaýap berýin ótingen edik. – О́zińiz sáýletshisiz ǵoı, sizge qalaı, stadıonnyń jobasy unady ma? – Stadıonnyń jobasyn biz jasaǵan joqpyz. Ony jergilikti ma­mandar jasaǵan. Jobasy jaqsy, qazirgi zaman talabyna saı keledi. Jalpy, qaı is bolsyn jobadan bastalady ǵoı. Qurylystyń jobasy jaqsy, tartymdy bolsa, jumys tez, eshqandaı qıyndyqsyz júredi. – Sizder qurylysty 2007 jyly bastadyńyzdar ǵoı. Qurylysty kezeń-kezeńge bólip júrgizip jatyrsyzdar ma? – Iá, qurylystaǵy jumys ke­zeńge bólinip júrgizilip jatyr. Bi­raq, jumys kezinde biraz qarjylyq jaǵynan, aýa raıynyń qolaısyz­dyǵynan kedergiler bolǵanyn aıtý kerek. – Jumysty aldymen neden bastadyńyzdar? – Jobanyń qujattaryn ret­tedik, sodan keıin qazyǵyn qaqtyq. – Iá, ol túsinikti ǵoı. Sizden suraıyn degenim, ózińiz jaqsy bilesiz ǵoı, bizde mundaı stadıon eshqashan salynbaǵan. Bul sport ordasy elimizde ǵana emes, TMD-da teńdesi joq stadıon bolyp otyr emes pe. Qazyǵyn qaqqannan keıin stadıon birden salynbaǵan shyǵar... – Bilesiz be, qysqy sport túr­lerine stadıon salý ońaı sharýa emes. Ár nársege uqypty bolý kerek. Eń aldymen biz onyń ishki jumys­tarymen birge, syrtqy jaǵyn da sala bastadyq. Bárin bir-birinen qal­dyrmaı salý kerek boldy. Ja­ńaǵy aıtqanyńyz durys, mundaı Astanadaǵy sııaqty konkı tebý stadıony Qazaqstanǵa kórshiles elderde joq. Dúnıe júzinde mundaı stadıon saýsaqpen sanarlyq. Son­dyqtan biz ony salýdy qolǵa al­ǵanda moınymyzǵa júktelgen ja­ýap­kershilikti jaqsy sezindik. Jal­py, bul stadıondy biz konkı tebý úshin ǵana emes, eń bastysy, munda  álem­dik rekordtar jasaý, oǵan bolashaqta barlyq elder tańdaı qaǵyp qaraý, osy jerde kóptegen halyqaralyq jarystar men týr­nır­ler ótkizý úshin salyp jatyrmyz. Bizdiń basty maqsatymyz – erteń kóp­shilik osy adamdar Qazaqstanǵa kon­kı tebý stadıonyn salyp, qol­tańbasyn qaldyryp ketti dep aıta júretindeı deńgeıde jumys isteý. – Degenmen, stadıondy mer­zi­min­de bitiremiz dep Astananyń qysynda qınalǵan kezderińiz boldy ma? – Biz 40 gradýs aıazda da jumys istedik. Jergilikti mamandar, shet­eldik qyzmetkerler osynyń bárine shydady. Sonda da qurylysty toq­tatqan joqpyz. Biraq, shynyn aıtý kerek, qysta sylaý, ákteý sııaqty jumystarda qıyndyq boldy. Iá, 2007-2009 jyldary qurylys baıaý júrdi. Ol endi qarjy máse­le­sine baılanysty boldy. Osy másele she­shilgennen keıin, 2009 jyly qu­ry­lystyń tamyryna qaıta qan júgirdi dese bolady. – Qurylystyń qaı tusynda qıyndyqtar kezdesti? – Jobalaý qujattary tolyq jasalmaǵan eken. Sosyn, jańa aıt­qanymdaı, qarjy ýaqytymen beril­megen kezder kezdesti. Al jumys ke­zeń-kezeńge bólingen soń aıtar­lyq­taı qıyndyq týyndaǵan joq. – Stadıonnyń qaýipsizdigi qanshalyqty eskerilgen? – Bul stadıonnyń ózi tehno­logııalyq nysan. Sondyqtan onyń eń basty mańyzdy jeri – qaýip­sizdigi. Bul máselemen negizinen sta­dıonnyń qaýipsizdigine jaýap be­re­tin gollandııalyq mamandar aına­ly­sady. Al biz bolsaq, tek qurylystyń bas merdigerimiz. – Qurylysta neshe adam jumys istep jatyr? – 910 adam. – Qalalyq qurylys basqarmasy sizderge qandaı talap qoıyp otyr? – Basty talaby – qurylysty Azıada qarsańynda bitirý. Bizdiń oıymyzsha, ol osy jyldyń sońynda bitedi. О́ıtkeni, stadıonnyń ózi óte kúrdeli nysan. Ol birneshe blokqa bólinip salynýda. Máselen, eń úlken “A” blogynda jabyq muz aıdyny bolady. Onyń aýmaǵy – 35 970 shar­­shy metr. Munda kórermenderdiń kirip-shyǵý esigi, sanýzel, sport­shy­larǵa arnalǵan oryndar, medısına­lyq-tárbıeleý ortalyǵy, tóreshiler bólimderi, BAQ ókilderine, kassa, tehnıkalyq jabdyqtar, muzdy almastyrý kólikterine arnalǵan oryndar bolady. Ekinshi qabatynda trıbýnaǵa baratyn esikter, baspasóz máslıhaty ótetin zal, úshinshi qabaty kórermenderdiń qaýipti jaǵdaı bol­ǵan­da syrtqa shyǵatyn qosalqy esik­terge, ashanasy bar bankettik zalǵa, dıspetcherlik ortalyqqa, VIP lojasy men tehnıkalyq oryndarǵa arnalǵan. “B” blogynyń birinshi qabatynda qonaq úı, muz aıdynyna kiretin vestıbıýl bolady. Qonaq úıde ákim­shilik, tirkelý orny, brondaý bıýrosy, zattar saqtaý bólmeleri, baılanys, vestıbıýl bólmeleri salynady. Qonaq úıde 44 nómir bolady jáne ol tek sportshylarǵa arnalady. “V” blogynda fıtnes-ortalyq ornalasady. Onda kıim aýystyrý bólmesi, dámhana, eki basketbol alańyna arnalǵan sport zal, kar­dıo­trenajer, aerobıka, ıoga, pılatesa jáne basqa da zaldar bolady. Son­daı-aq, onda kosmetologııa bólmesi ashylady. Al “G” blogy stadıonnyń ákimshilik jáne ınjenerlik-teh­nı­kalyq qyzmetine arnalady. Jalpy, munda sporttyq jarystarmen birge jattyǵýlar ótkizýge de jaǵdaı ja­salady. Máselen, aıdynnyń 400 metrlik joly konkı tebý jarysyna arnalyp salynýda. Sonymen birge, onda short-trek, hokkeı, kerlıng, mánerlep syrǵanaý jarystaryn ótkizýge bolady. – Stadıon qazir neshe paıyzǵa daıyn? 80 paıyzǵa. Ákteý-syrlaý sııaqty az ǵana jumystary qaldy. Muz aıdyny qarasha aıynda sa­lynady, odan keıin ol taǵy da qaıta jasalady. Sóıtip, eki ret synaqtan ótken soń jeltoqsan aıynda paıda­lanýǵa beriledi. Qysqasy, osy kezde stadıonǵa taǵy kelip, onyń Azıadaǵa daıyndyǵyn kórýlerińizge bolady. * * * KÚN SAIYN JAŃA USYNYS, JAŃA TILEKTER Osy kúnderi qysqy Azııa oıyndaryna baıla­­nysty sport basshylary jıi kezdesip, jarysqa daıyndyq máselelerin talqylaýda. Jýyrda sondaı jıyndardyń biri Týrızm jáne sport mınıstrliginde ótti. Onda Azıadaǵa neshe elden ótinish kelip túskeni jáne jarysqa qatysatyn Qazaqstan sportshylarynyń sany belgili boldy. “2011 jylǵy VII qysqy Azııa oıyndaryn uıymdas­tyrý komıtetiniń atqarýshy dıreksııasy” AQ-tyń prezıdenti Anatóli Qulnazarovtyń aıtýyn­sha, Azıadaǵa eń kóp qatysatyn sportshylar bizdiń elden bolady. Barlyǵy – 167 sportshy. Al Qy­taı­dan jarysqa 140-tan astam sportshy keledi dep kútilýde. Sonymen birge, ol qazir qysqy oıyndarǵa qatysýǵa 24 memleketten ótinish kelip túskenin, tap­syrys berý merzimi 1 qarasha kúni aıaqtalatynyn aı­ta kelip, jalpy Azıadany 350 myń jankúıer tama­shalaıtyn bolsa, shet elden Qazaqstanǵa 10 myńnan astam týrıstiń kelýi kútilip otyrǵanyn jetkizdi. Ekinshi jıyn Almatyda VII Qysqy Azııa oıyn­darynyń ánuranyna baıqaý jarııalaý máselesine arnaldy. Munda qaı tilde jazylǵan ánuran jeńim­paz dep tanylsa, Azıadanyń ashylý jáne jabylý saltanattarynda ol sol tilde shyrqa­la­tyny belgili boldy. Jıynda baıqaýdy uıymdasty­rýshylar jarystyń ánurany halyq pen sportshy­lardyń rý­­hyn oıatatyn bolýyna, jattaýǵa jeńil jáne sport­tyq úlgide jazylýy tıis ekenine nazar aýdaryla­tynyn aıtty. Degenmen, “2011 jylǵy VII Qysqy Azııa oıyndaryn uıymdastyrý komıtetiniń atqarý­shy dıreksııasy” AQ-tyń vıse-pre­zıdenti Evgenıı Nıkıtınskıı jeńimpazdy anyq­taý kezinde basym­dyq memlekettik tilde ja­zyl­ǵan ánuranǵa beriletinin jasyrmady. “Sondyqtan, ­­– dedi ol, – qazaq tildi aq­yndar men kompozıtorlar baıqaýda baryn salýlary tıis”. Osy basqosýda baıqaýdyń qazylar tóraǵasy bolyp atalmysh dıreksııanyń prezıdenti Anatóli Qulnazarov, onyń orynbasary bolyp belgili ánshi ári kompozıtor Jeńis Seıdollauly, qazylar qu­ramyna Qydyráli Bolman sııaqty taǵy alty ánshi, kompozıtorlardyń kirgeni jarııa etildi. Sóıtip, baıqaýdy uıymdastyrýshylar komıtetiniń múshe­ligine barlyǵy 9 maman enip otyr. Olar ózderine tús­­ken usynystardy 1 qazanǵa deıin qabyldaıdy. Al 7 qazan kúni onyń qorytyndysy shyǵarylady. Sol kúni Almatyda úlken gala-konsert ótip, ashyq daýysqa sa­­lýdyń nátıjesinde Azıadanyń ánurany anyqtalady. Jıynda baıqaýdyń erejelerimen tanystyrǵan Qydyráli Bolman mýzykalyq shyǵarmanyń uzaq­tyǵy bes mınótten aspaýy kerektigin jáne ándi bir bólek, mátindi bir bólek jazamyn deýshilerge múm­kin­dik beriletinin jetkizdi. Sóz oraıynda aıta ket­sek, munyń aldynda Azıadanyń ánurany bolyp ánshi Erbolat Qudaıbergenovtiń “Men qazaqpyn” áni qarastyrylǵan bolatyn. Biraq, Azıadany uıymdastyrýshylar keńese kelip, ánurannyń sport­tyq prınsıpterge saı bolýy kerektigin eskerip, Azıa­da­nyń ánuranyna baıqaý jarııalaý jóninde sheshim qabyldaǵan eken. Baıqaýdyń jeńimpazyna 1 mln. teńge kóleminde syıaqy berý máselesi de sol kezde sheshilipti. Kelesi jıyn “2011 jylǵy VII Qysqy Azııa oıyndaryn uıymdastyrý jónindegi komıtettiń at­qarýshy dıreksııasy” AQ pen “Qazaqtelekom” AAQ GSM “Qazaqstan” JShS arasyndaǵy yntymaq­tas­tyq týraly kelisim hattamasyna qol qoıý máselesine arnaldy. Osy jıynda, kelisimge sáıkes, K Cell kom­panııasyna “Azıada-2011” uıaly baılanys operatory mártebesi berildi. Qazirgi kúni “2011 jylǵy VII Qysqy Azııa oıyn­daryn uıymdastyrý komıtetiniń atqarýshy dırek­sııasy” AQ-tyń málimetterine qaraǵanda, GSM Qazaqstan/K Cell Azıada úshin baılanys jelisin ázirleýmen aınalysýda. Máselen, Astana men Alma­­ty­da sport nysandary men qonaq úılerden, oıyn­dar kezinde paıdalanýǵa beriletin basqa da jerlerden synaqtan ótkizý jáne sol jerlerge qosymsha jab­dyqtar ornatý jumystaryn júrgizýde. GSM Qazaq­stan/K Cell-diń bas qarjy dırektory Tolga Kók­túriktiń aıtýynsha, jarys­tyń resmı uıaly baılanys operatory bolý kompa­nııa úshin zor mártebe, úlken jaýapkershilik. Son­dyqtan kompanııa Azııada kezinde tutynýshylardy sapaly uıaly baılanyspen qamtamasyz etý úshin bárin jasamaq. Sonymen birge, T.Kóktúrik Azıada kezinde óz abonentterine qyzyqty aqparat alý úshin qosymsha qyzmet túrlerin usyna­tyndaryn aıtty. Osy jıynda belgili bolǵan taǵy bir jańalyq, kompanııa oıyndarǵa qatysýshylar men qonaq­tardy sapaly uıaly baılanyspen jáne mobıldi ınter­netpen qamtamasyz etý úshin qosymsha ba­zalyq stansalar ornatatyn bolady. Ol úshin, árıne, qosymsha tehnıkalyq personal jumysqa tartylady. * * * MEIMANDAR ÚShIN – KÁDESYILAR Astanada Esil ózeniniń sol jaǵalaýyndaǵy “Saryarqa” oıyn-saýyq ortalyǵynda ashylǵan Qysqy Azııa oıyndarynyń kádesyılyq ónimderine arnalǵan resmı pavılon astanalyqtar men qala qonaqtaryna, jarysqa qatysýshylar men shet el týrısterine tómendegi ónimderdi usynatyn bolady. Týrızm jáne sport mınıstrligi Sport isteri jónindegi komı­te­tiniń tóraǵasy Elsııar Qanaǵatovtyń aıtýynsha, pavılon aldaǵy kez­de basqa da kádesyılar, ıaǵnı sývenırlermen tolyqty­rylady. So­nymen birge, “Saryarqa” OSO-daǵy kınoteatrda aǵylshyn tilinde fılmder kórsetilip, “Mádenı Azıada” jobasynyń aıasyndaǵy buqaralyq is-sharalardy tamashalaý úshin osy jerden arnaıy avtobýstar uıymdastyrylady. * * * AQJOLTAI! Azıadada Qazaqstan delegasııasy músheleriniń árqaısysy 2,5 myń dollarǵa kıinedi. Kıimderdiń úlgisin jasap, tigýmen japondyq “Mızýna” fırmasy aınalysýda. Kı­im­derge tapsyrys berilip qoıylǵan. Olar qara-kók tústi bolady. “2010 jylǵy VII Qysqy Azııa oıyndaryn uıymdastyrý komıtetiniń atqarýshy dırek­sııa­sy” AQ-tyń málimetterine qaraǵanda, ákimdik tarapynan qyzmet kórsetetin adamdar, “Mádenı Azıada” jobasyna qatysýshylar men jarystyń alaýyn ustap júretinder basqa tústegi kıimder kıedi. Qazaq­­stan delegasııasynyń osynshama qarjyǵa kıinýi “Samuryq-Qazyna” qorynyń demeýshiligi esebinen múmkin bolyp otyr. Qor Azıadaǵa 3 mlrd. dollar kóleminde qarjy bóletin boldy. * * * AZIADA AIShYQTARY Reseılik aqparat quraldarynyń qaýipsizdigimen aınalysatyn “Doktor Veb” kompanııasy Qysqy Azııa oıyndarynyń qaýipsizdigin qamtamasyz etý jónindegi resmı áriptesi bolyp tańdap alyndy. “VII Qysqy Azııa oıyndaryn uı­ymdastyrý komıtetiniń atqarýshy dı­rek­sııasy” AQ-tyń vıse-prezıdenti Maǵjan Qanǵojınniń aıtýynsha, qazirgi kezde sony aqparattyq tehnologııalar jarys­tarda jıi paıdalanylady. Reseılik kom­panııa bul ispen birneshe jyldan beri aınalysýda. “Doktor Veb” kompanııa­sy­nyń baǵdarlamalary atalmysh dıreksııa­nyń IT-mamandarynyń ǵalamtorǵa sha­býyldan, juqpaly vırýstar men basqa da oıyndardyń jumysyna keri áser etetin nárselerden qorǵaýǵa múmkindik jasaıdy. Sonymen birge, ol qysqy Azıadany tike­leı kórsetilimmen qamtamasyz etetin elek­trondy tablo, jaryq anımasııasy, tóreshiler komıssııasynyń qabyldaǵan sheshimderi, meteoqurylǵylar men sandyq tehnıka “Doktor Veb” kompanııasynyń qorǵaýynda bolatynyn málimdedi. * * * Astanada “VII Qysqy Azııa oıyndaryn uıymdastyrý komıtetiniń atqarýshy dıreksııasy” AQ pen BTA bank arasynda jasalǵan kelisimge sáıkes, “Saryarqa” oıyn-saýyq ortalyǵynda qyzmet kórse­týdiń jańa ınteraktıvti orny ashyldy. Onda teńge jáne basqa da valıýtalarǵa arnalǵan bankomattardyń, aqsha aıyrbas­taý apparattary men táýlik boıy júzden astam kassalyq operasııalarǵa kirýge múm­kindik berip, táýlik boıy jumys is­teıtin tólemaqynyń avtomattandyrylǵan qyzmet kórsetý túrimen aınalysatyn Cash and Pay termınaly jumys isteıtin bolady. “2011 jylǵy Qysqy Azıadany” uıy­m­dastyrý komıtetiniń Marketıng, aq­pa­rattyq jáne ımıdjdik qoldaý depar­ta­men­ti dırektorynyń orynbasary Álibek Ál­dıneıdiń pikirinshe, jańa ashylǵan ınteraktıvti oryn mobıldi bank ınf­ra­qurylymyn jasaýdaǵy kezeńderdiń biri bolyp tabylady. Osy jerde tuty­ný­shy­lar banktik aýdarylymdar, aqsha aıyr­bastaý men basqa da operasııalardy júrgize alady. * * * Elordada qysqy Azııa oıyndaryna arnalǵan sýretshiler týyndylarynyń baıqaýy bastaldy. Oǵan qalanyń 7 men 13 aralyǵyndaǵy jas sýretshileri qatysyp, “Astana men Almaty VII Qysqy Azııa oıyndaryn ótkizedi” atty taqyryptarǵa sýret salyp, ónerlerin kórsetýde. Azııa oıyndaryn ótkizý jónindegi astanalyq dıreksııanyń mádenı sharalar bóliminiń bastyǵy Erbol Jaılaýovtyń aıtýynsha, Qazaqstanda alǵash ret ótkizilip otyrǵan bul baıqaý­dyń maqsaty – jasóspirimder men balalarǵa óner arqyly mádenıet pen salamatty ómir saltyn nasıhattaý. Konkýrstyń qorytyndysy 27 jel­toqsan kúni shyǵarylady. Jeńimpazdarǵa sertıfıkattar men túrli syılyqtar tapsyrylady. * * * Azııa oıyndaryna bas demeýshi bolǵan “Samuryq-Qazyna” qory elimizde tuńǵysh ret ótetin jarysty “Eurosport” tele­­arnasynan kórsetý úshin atalmysh aqparat dıreksııasy ókilderimen kelissózder júrgizýde. Osy máselege baılanysty jýyrda “VII Qysqy Azııa oıyndaryn uıym­das­tyrý komıtetiniń atqarýshy dıreksııasy” AQ prezıdenti Anatóli Qulnazarov “Eu­rosport” telearnasynyń jetekshileri To­mas Bıoret jáne Sacha Leıermen kezdesti. Kezdesýde qonaqtar búkil Eýropaǵa Qa­zaqstanda ótetin jarysty kórsetýge daıyn ekendikterin bildirdi. “Bizdiń arna ­–­ ­­olımpııalyq arna. Ol táýligine 24 saǵat qyzmet etedi. Azııa qurlyǵynda ótip jatqan jarystar biz úshin óte qyzyqty”, – depti T.Bıoret. * * * Jýyrda Ulybrıtanııanyń bir top jýrnalısi Astanaǵa kelip, Azıadanyń ashylý saltanaty ótetin jańadan salynǵan jabyq stadıonmen tanysty. Osydan keıin “Tumandy Albıon­daǵy” týrızm taqyrybyna mamandanǵan árip­testerimiz sol jaǵalaýdy aralap, Beı­bitshilik jáne kelisim saraıy, “Báıterek” monýmenti men Memleket basshysynyń Aqorda rezıdensııasynyń aldyndaǵy alańda boldy. Brıtanııalyq jýrnalısterdi Asta­na­nyń kórikti jerlerimen “VII Qysqy Azııa oıyndaryn uıymdastyrý komıtetiniń atqarýshy dıreksııasy” AQ-tyń vıse-prezıdenti Serik Qulmyrzaev tanys­ty­ryp júrdi. Onyń aıtýynsha, olarǵa elor­danyń una­­ǵany sonshalyq, sheteldikter Azıadaǵa min­­detti túrde kelip, Qazaq­stan­nyń basqa óńir­lerimen tanysýdy jospar­laýda kórinedi. * * * Jaqynda Astanada ótken “Astana arýy-2010” baıqaýynda “VII Qysqy Azııa oıyn­daryn uıymdastyrý komıtetiniń at­qarýshy dıreksııasy” AQ aldaǵy jarysqa arnalǵan óziniń “Sport arýy” nomına­sııasyn usyndy. Osy baıqaýda atalmysh nomınasııa boıynsha № 30 mektep-gımnazııanyń oqý­shysy Ádııa Nurálıeva jeńimpaz atanyp, dıreksııa taǵaıyndaǵan Azıadanyń sım­volıkasy bar taza krıstallǵa ıe boldy. Konkýrsqa qatysqan basqa da boıjet­ken­der Azıadany uıymdastyrý komıtetiniń atynan estelik syıkádeler aldy. Betti daıyndaǵan Dastan KENJALIN. ------------------------------ Sýretterdi túsirgen Orynbaı BALMURAT.