Memleket basshysy Nursultan Nazarbaev Premer-Mınıstrdiń birinshi orynbasary О́mirzaq Shókeevti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
О́.Shókeev Prezıdentti Qazaqstannyń úkimettik delegasııasynyń AQSh-qa saparynyń qorytyndylary týraly habardar etti. Onda Qazaqstannyń BSU-ǵa kirýi týraly másele boıynsha kelissózder júrgizilgen.
– Kelissózder úsh baǵytta: taýarlar toby, qyzmet saýdasy jóninde jáne júıelik máseleler boıynsha júrgizilýde. Taýarlar saýdasy jónindegi kelissózder aıaqtalýǵa jaqyn – tek tehnıkalyq jumystar qaldy. Qyzmet saýdasy jóninde – biz búgingi kúni qalyptasqan birneshe problemalyq máselelerdi sheshýdiń joldaryn belgiledik. Al júıelik máselelerge qatysty aıtsaq, biz úshin eń mańyzdy másele – qazaqstandyqtardy qamtý ekijaqty kelissózder aıasynan shyǵarylyp, kóp jaqty formatqa aýystyryldy. Bul biz úshin iri jetistik bolyp tabylady, – dedi jýrnalısterge arnalǵan brıfıngte О́.Shókeev.
Kezdesý barysynda sondaı-aq azyq-túliktiń ishki rynogynda turaqtylyqty saqtaý jónindegi is-sharalar týraly sóz boldy.
Biz jyl boıyna azyq-túliktiń negizgi túrleri boıynsha baǵanyń turaqty bolýy úshin birqatar qosymsha sharalardy ázirledik. Bul sharalar Memleket basshysynan qoldaý tapty, – dedi Premer-Mınıstrdiń birinshi orynbasary.