Baýyrjan Momyshuly – 100
Myń qubylyp tursa-daǵy bar mańy,
Adamzatty alǵa bastar Ar zańy!
Mir oǵyndaı Momyshuly Baýyrjan –
Týa bitken týralyqtyń tarlany.
Árbir sózi jas urpaqqa – taǵylym,
Boıǵa jıǵan aqyly men sabyryn,
О́mir boıy shyndyq úshin kúresip,
Jalǵandyqtyń tilip túsken tamyryn!
Jaýyngerdi aınaldyryp quryshqa,
Taısalmastan kirgen talaı urysqa.
Urpaǵyna úlgi bolǵan ǵumyryn
Uqsatamyn jarqyldaǵan qylyshqa!
Júrý úshin týra joldan burylmaı,
Ar men Namys birge týǵan uǵymdaı.
Bizder úshin rýhy bıik Baýyrjan
Batyrlyq pen Aqıqattyń týyndaı!
Ushqyr oıdy ot-qaıraqqa janyǵan,
Týǵan eldi óz úıim dep tanyǵan,
Jalyndaǵan jastar kerek elime
Batyr baba qasıeti daryǵan!
Aıbatyr SEITAQ.
Astana.