“Balapan” qanat qaqty

Qazaq tildi balalar telearnasy­nyń qajettigi týraly baıaǵy, keńes zamanynda-aq aıtyla bastaǵan bo­latyn. Derbes damý jolyna túsken­nen keıin bul másele óz qarakóz­de­rimizdiń til ustartý quraly retinde qajettigi turǵysynda kóterilip kele jatyr edi. Oǵan Elbasynyń ózi qozǵaý salyp, “Balapan” tele­arnasynyń ashylǵany qýanyshty jaǵdaı. Telearna jumysyna sáttilik tileıik. Keshe elordada Dýman oıyn-saýyq ortalyǵynda elimizde alǵash dúnıege kelgen “Balapan” balalar telearna­sy­nyń tusaýkeser rásimi ótti. Oǵan Prezı­dent Ákimshiligi Basshysynyń oryn­ba­sa­ry Máýlen Áshimbaev, Premer-Mınıstr Keńsesiniń basshysy Ǵabıdolla Ábdirahımov, Baılanys jáne aqparat mınıstri Asqar Jumaǵalıev, sondaı-aq “Qazaqstan” Ulttyq arnasynyń bas­shysy Janaı Omarov qatysty. Alǵash sóz alǵan Prezıdent Ákimshiligi Basshysynyń orynbasary Máýlen Áshimbaev “Búgin úlken bastamaǵa, ıaǵnı júz paıyz tolyqtaı qazaqsha habar taratatyn balalarǵa arnalǵan tuńǵysh telearnamyzdyń tusaýkeserine jınalyp otyrmyz. О́zderińiz bilesizder, ótken jyly Elbasy N.Á.Nazarbaev 100 paıyz qazaqsha habar taratatyn úsh telearna qurý kerek deı kelip, naqty mindetter júktegen bolatyn. Onyń birinshisi balalarǵa arnalǵan telearna bolsa, qalǵany mádenıet pen bilim salasyna arnalǵan telearnalar bolýy tıis. Mine, Elbasy tapsyrmasyn oryndap, búgin atalǵan telearnanyń tusaýkeserine jınalyp otyrmyz. Bul “Balapan” telearnasy, buıyrtsa, bolashaq úlken kóptegen kórermeni bar, kóptegen jaqsy baǵdarlamalar usynatyn telearna bolady dep senemin. Sonymen qatar ózge ult ókilderine qazaq tilin úıretýde bul baǵdarlamanyń úlken ról atqaratynyna da senimimiz kámil, degen ol “Balapan” telearnasynyń ashylýymen barlyq ata-analar men búldirshinderdi quttyqtady. Premer-Mınıstr Keńsesiniń basshysy Ǵabıdolla Ábdirahımov telearnanyń ashylýyna degen tilegin aıta kele, Úkimet basshysy Kárim Másimovtiń quttyqtaý hatyn oqyp berdi. Atalmysh sharaǵa kelgen ata-analar men ustazdar, sonymen qatar, árıne, ásirese balalar qýanyshtarynda shek joq. Astanadaǵy №59 mektep-lıseıdiń bas­taýysh synyp muǵalimi Klara Nurly­bekqyzy ““Balapan” telearnasynyń ashylýy búldirshindermen qatar meni de qatty qýantyp otyr. Balalarǵa erte­gilerdi kitaptan oqý bir basqa da, kózben kórip ekran arqyly tamashalaý ózindik bir serpin beredi. Sondyqtan da barlyq ustazdar qaýymy men balalardy osy telearnany kórýge shaqyramyn” dese, atalǵan mektep-lıseıdiń oqýshylary Erkin  Jaqsylyq, Temirlan Muqajanov, Araılym Qýanysheva da telearnany asyǵa kútip otyrǵandyqtaryn aıtady. Biz sondaı-aq osy jerden belgili pedagog balalar jazýshysy Aısa Hamzeulyn da kezdestirdik. Qalamger de bul bastamany barynsha qoldaıtyndyǵyn aıtty. Eki jasar Ersultanmen kelgen jas ana Zúlfııa Qabylqyzy da osyndaı telearnany kútkenine biraz bolǵanyn aıtady. Tárbıe basy – talbesik deıdi halqymyz. Erteńgi el bolashaǵy sanala­tyn búldirshinniń ulttyq qundylyqtardy boıyna sińirip ósýi úshin oǵan tili shyqqan sátten bastap ana tilinde tárbıe berýde alǵashqy kezekte oryn alatyn ata-ananyń janashyr qamqorlyǵy desek, balalarǵa arnalǵan telearnanyń da odan birde bir kem túspeıtini belgili. Sol úshin de men “Balapan” telearnasyn úzbeı kóretin kórermenniń biri bolarmyn dep oılaımyn, dedi ol. “Balapan” balalar tanymdyq oıyn-saýyq telearnasynyń maqsaty ósip kele jatqan jas býynnyń ulttyq jáne mádenı tulǵasyn qalyptastyrý, otanǵa degen súıispenshilik pen úlkenderdi syılaýǵa úıretý bolyp tabylady. Telearnanyń baǵdarlamalary úsh jastan on jasqa deıingi jasóspirimderge arnalǵan. “Qazaqstan” telearnasy bazasynda qurylǵan jańa telearna kabeldi júıede saǵat 10.00-den 22.00-ge deıin memlekettik tilde júrgiziledi. 2010-2011jyldarǵa “Alaqaı, Balaqaı!” (sporttyq oıyn-saýyq baǵdarlamasy), “Aıjuldyz” (kesh­ki­lik tanymdyq baǵdarlamasy), “Kel, oı­naıyq!” (tanymdyq saýyqtyrý shoý baǵ­darlamasy), “Sheberhana” (oqý-tanymdyq baǵdarlamasy), “Álippe” (oqý-tanymdyq baǵdarlamasy), “Án salaıyq!” (barlyq otbasy úshin mýzykalyq oıyn-saýyqtyrý shoý baǵdarlamasy), “Ǵajaıypstanǵa saıa­hat” (oqý-tanymdyq anımasııalyq se­rıaly) baǵdarlamalardy shyǵarý jospar­lansa, “Qazaqstan” RTRK muraǵatynan jas kórermender úshin habar taratý toryna jas kórermenderge tanymal bolǵan “Aıgólek” mýzykalyq shoý baǵdarlamasy, “Erketaı” oqý-tanymdyq jáne “Tolaǵaı” otbasylyq-sporttyq shoýy enedi. Sonymen qatar álemdegi balalarǵa arnalǵan eń úzdik anımasııalyq fılmder qazaq tiline aýdarylǵan. Telearnanyń logotıpi kishkentaı sary balapan bolmaq. Efırge arna dúısenbi, ıaǵnı qyrkúıektiń 27-sinen bastap shyǵady. Ábdirahman QYDYRBEK. ---------------------------------- Sýretterdi túsirgen Sovetbek MAǴZUMOV.