Áset ISEKEShEV, Premer-Mınıstrdiń orynbasary — Indýstrııa jáne jańa tehnologııalar mınıstri: “Indýstrııalandyrý isinde irkiliske jol joq”

— Áset О́rentaıuly, údemeli ındýstrııalyq-ınnovasııalyq damý baǵdarlamasyn júzege asyrýdyń birinshi jylynyń segiz aıy da óte shyqty. Olaı bolsa, alǵashqy qorytyndylardy shyǵaratyn kez de kelgen sııaqty. Onyń ústine, Premer-Mınıstr Kárim Másimov taıaýda ótken Úkimet otyrysynda baǵdarlamanyń alǵashqy nátıjelerine oń baǵa bergeni de belgili. —Ol shynymen de solaı. Jumystardy bastap ketý alańyn meılinshe qysqa merzimde daıyndaı otyryp, bizge belgili bir nátıjelerge qol jet­kizý­diń sáti tústi. Indýstrııalyq saıasattyń barlyq ba­symdyqty salalary men sheshýshi baǵyttary bo­ıynsha júıeli is-sharalar ázirlenip, naqty jo­balar aıqyndaldy. Ishki jáne álemdik ry­nok­tardaǵy salystyrmaly túrde alǵandaǵy bos “nı­shalardy” ıemde­ne­tindeı ınvestorlardy tartý úshin prespektıvaly degen jobalar anyqtaldy. Osylardyń arqasynda biz yrǵalyp-jyrǵalýǵa ýaqyt shyǵyndamastan, bıyldyń ózinde-aq bel­gilengen boljamdyq kórsetkishterdi eńserdik. Belgilengen 144 ınvestısııalyq jobanyń 72-si birinshi jartyjyldyqta-aq iske qosyldy. Jyl sońyna deıin kem degende taǵy da osynsha jobany iske qosý josparlansa, qazirdiń ózinde birqatar iri ınvestısııalyq jáne ınfraqurylymdyq jo­ba­lardy júzege asyrý jumystary bastalyp ta ketti. — Úkimet belgilegen ÚIIDB-ni júzege asyrý josparyndaǵy mindetterdiń biri—800 mıllıard teńgeden astam ınvestısııalardy ıgere otyryp, 144-ten astam jobanyń iske qosylatyndyǵynyń naqty oryndalatynyna senim artýǵa bola ma? — Bizdiń budan da góri kúrdelirek mindetterdi sheshýge qabiletimiz jetedi. Eń bastysy—yrǵaqty jumystyń jolǵa qoıylýy. Jobalardy júzege asyrýdaǵy, qazaqstandyq mazmundy arttyrý jó­ninen ınvestorlarmen jumystaǵy, “Jol kartasy” jáne basqa da is-sharalardy júzege asyrýdaǵy belsendi, júıeli jáne Úkimettiń ákimdiktermen, sol sııaqty, bıznes-qaýym­das­tyq­tarmen birlesken jumysy arqyly ǵana biz alǵa qoıǵan maqsattarǵa qol jetkizetin bolamyz. Alǵashqy nátıjeler shy­ny­men de jaqsy. Mysalǵa makroeko­no­mı­ka­lyq kórsetkishterdi alaıyq. Segiz aıdyń qo­ry­tyn­dysy boıynsha ónerkásip ónimderiniń fı­zı­kalyq ósý kólemi 110,9 paıyz, al óńdeý óner­ká­si­binde ótken jyldyń tıisti kezeńimen salys­tyr­ǵanda 119,1 paıyz boldy. Aıtarlyqtaı ósimder hı­mııa óner­kásibi ónimderinde (173%), daıyn metall buıym­darynda (159,5%), máshıne jasaýda (151,4%), munaı óńdeýde (121,1%) oryn alyp otyr. — Qazaqstannyń Keden odaǵyna qosylýyna baı­la­nysty ÚIIDB-ni júzege asyrý jónindegi jumys­tar­da qandaı da bir ózgeristerdiń oryn alýy múmkin be? — Memleket basshysy ekonomıkalyq jáne ındýstrııalyq saıasattyń barlyq máseleleri jańa qurylǵan Keden odaǵymen astastyryla qaralatyn jáne kelesi ıntegrasııalyq saty—Birtutas eko­no­mıkalyq keńistikke daıyndyq jaǵdaıynda eko­no­mıkanyń ósýine ǵana qoldaý kórsetip qoımaı, so­nymen birge, onyń qurylymdyq qaıta jań­ǵy­rýyn da jedeldetý qajettigi jóninde tapsyrma berdi. Osylardy, sol sııaqty álemdik ekonomı­ka­daǵy aǵymdaǵy tendensııalardy, qarjy rynok­ta­ryn­daǵy kúrdeli jaǵdaıdy, jahandyq tehnologııalyq tren­dterdi jáne is júzinde alda turǵan álemdik ekonomıkanyń jańa tehno­lo­gııa­lyq qalypqa kóshýin eskere otyryp, Qazaqstan Prezıdenti aldyǵa jańa tártipke sáıkes min­det­terdi qoıyp otyr. Atap aıtqanda, búkil mem­le­kettik organdar óz jumys­taryn qaıta qurý ar­qy­ly ony jańa sapaly deńgeıge kóterip, qo­ıylǵan maqsattarǵa jetý úshin úılesimdilik pen shoǵyrlanýshylyqty barynsha qamtamasyz etýge tıis. — Basqasha aıtqanda, osynyń bárine júıeli kózqarastar qajet qoı? Osyǵan baılanysty beriletin keńester qandaı? — Júıelilikke keler bolsaq, ol bizdiń búkil jumysymyzǵa tán bolýy tıis. Bizdiń keńesterimiz belgili bir bóligi jergilikti jerlerde sheshimin taýyp jatqan uıymdastyrý máse­le­le­riniń bútindeı bir keshenine qatysty bolmaq. Ol ortalyq organdar men ákimdikterdiń is-qı­myl­daryn úılestirý, bylaısha aıtqanda, birlesken is-sharalar júıesindegi “qysyltaıań tustar”. Bul oraıda ortalyq atqarý organdarynyń bıznestiń básekege qabilettiligin qamtamasyz etetin naqtyly qoldaý quraldary arqyly baǵ­dar­la­malardyń oryndalýyna qatysty jumystardy kúsheıte túsýiniń mańyzy zor. Ol “Qol qoıyldy, qalǵany ármen ketsin!” prınsıpimen jazylatyn kezekshi baǵdarlama bolmaýy kerek. Ol oryndalý mehanızmderi men nátıjeleri aıqyn jazylǵan saralanǵan salalyq strategııa bolýǵa tıis. О́kinishke qaraı, ÚIIDB-de qaralǵan is-sharalardyń bári birdeı salalyq baǵdarla­ma­larda kórinis taba alǵan joq. Ol keıbir memlekettik organdardyń kelisim alýdyń barlyq prosedý­ra­larynan ótip úlgermeýi saldarynan Qarjy mı­nıs­trligi men Ekonomıkalyq damý jáne saýda mı­nıs­trliginiń qoldaýyn ala almaýyna baılanysty bolyp otyr. Biraq, meniń oıymsha, áli de mámilege kelý joldaryn izdestirgen durys sııaqty. О́ıtkeni tyıym salý– ol jol tabýdyń eń qarapaıym tásili. — Sonda búginde naqtyly qandaı máseleler ÚIIDB-niń “júzege asyrý pýlyna” ilikpeı qalyp otyr? — Máselen, bıýdjette qarjynyń bolmaýy sal­darynan, hımııa ónerkásibin damytý baǵdar­la­ma­syn­da birtutas respýblıkalyq synaq labo­ra­to­rııa­syn qurý, qyzmetkerlerdi jetekshi ha­lyq­ara­lyq kompanııalarda tájirıbeden ótkizý sııaqty is-sharalar qoldaý taba almady. Sol sııaqty, hımııa ónerkásibin resýrstyq qamtamasyz etý jaǵy, ıaǵnı shıkizat ken oryn­daryn barlaý jumystary da qoldaý tappady. Osy jáıtterdi eskere kelip, biz bolashaqta pre­zıdenttik údemeli ındýstrııalyq-ınnova­sııa­lyq damý baǵdarlamasynda qarastyrylǵan barlyq is-sharalarǵa basymdyqty turǵyda qaraý oryndy dep sanaımyz. Olardyń báriniń de bútindeı alǵanda Memleket basshysy bekitken maqsatty ekonomıkalyq jetistikterge jetýge baǵyttalǵanyn túsiný qajet. Bul jerde taza “býhgalterlik” kózqaras bolýǵa tıis emes. — ÚIIDB baǵdarlamalaryna qatysty bári túsinikti sııaqty. Al endi óńirlik damý baǵdar­lama­larynyń jaǵdaıy qalaı bolyp jatyr? —Búgingi tańda jergilikti atqarý organdary óńirlik baǵdarlamalardy ázirleýdi aıaqtap keledi. Bul baǵdarlamalarda óńirler ekonomıkasyn damytý perspek­tı­va­la­rynyń bolashaǵy da, she­shýshi jobalardyń salalyq turǵyda maman­da­nýy da aıqyn kórinis tabýy tıis. О́ńirlik baǵ­dar­lamalarda eńbek ónimdiligin arttyrýǵa, ın­novasııalardy qoldaýǵa, eksportty alǵa bastyrýǵa, tikeleı ınves­tı­sııa­lar­dy tartýǵa, shaǵyn bıznesti qoldaýǵa baǵyttalǵan sharalardyń bári de ózara baılanystyrylýy kerek. Jáne osylardyń báriniń shıkizat resýrstarymen, qarjymen, ınfraqurylymmen qamtamasyz etilýi ıgi. — Indýstrııalandyrý kartasyna engizilgen jobalardy júzege asyrý perspektıvasy qandaı? Olarǵa qalaısha qoldaý kórsetilmek? — Búginde Indýstrııalandyrý kartasyna jalpy somasy 7,26 trıllıon teńge bolatyn 237 joba engizilgen. Onyń syrtynda 3 trıllıon teń­ge­den asa­tyn jetkilikti ázirlengen 88 pers­pek­tı­valy jobalar da bar. Memlekettik qol­daý sha­ra­la­rynyń aıyr­ma­shylyqtary da jobanyń aýqymyna baılanysty kórinis tapqan. Biz olardy úsh topqa bóldik. Irileri – olar quny 300 mıllıon dollarǵa deıingi 39 joba. Olarǵa ár jobanyń naqty mindetterine baılanystyrylǵan memlekettik qoldaýdyń arnaıy paketi qoldanylatyn bolady. Ortashalar – olar quny 20-dan 300 mıllıon dollarǵa deıingi jobalar. Munda jumys istep turǵan ónerkásip kásiporyndaryn modernıza­sııa­laýǵa baǵyttalǵan, “О́nimdilik-2020” baǵ­dar­lamasynda jáne ózge de eksport pen ınves­tısııalardy qoldaý baǵdarlamalarynda jazylyp kórsetilgen memlekettik qoldaýdyń júıeli sharalary qoldanylady. Jáne sońǵysy, shaǵyn jobalar toby. Oǵan quny 20 mıllıon dollarǵa deıingi jobalar engen. Olarǵa “Bıznestiń jol kartasy-2020” baǵ­dar­lamasy sheńberinde qabyldanǵan qoldaý quraldary qoldanylady. Sol sııaqty, usaq deńgeıdegi jobalarǵa da nazar aýdarý qajet. Olar negizinen ózderin ózderi jumyspen qamtyǵan turǵyndar sany kóp aýyldyq jer­lerde júzege asyrylady. Onyń ózi ın­­dýs­trııa­landyrý isiniń buqaralylyǵyn qam­ta­masyz etýge jaǵdaı jasaıdy. Bútindeı alǵanda jobalar boıynsha jumystardyń jaman júrip jat­paǵanyn atap ótý qajet, degenmen olar bi­rinshi basshy­lar­dyń turaqty nazarynda turýy tıis. Aıtalyq, 12 jobany júzege asyrý mer­zim­de­riniń aýystyrylýy biz úshin kútpegen jáıt bol­dy. Qalaı degende de, baqylaý jasaýdyń ma­ńyzy zor. Onyń ústine, ÚIIDB alǵash bastaý alǵan kezde-aq merzimderdiń keshiktirilgeni úshin ár­kimniń jeke basymen jaýap beretindigi aıtylǵan. —Bul jobalar qarjymen qanshalyqty qamtamasyz etilgen? —ÚIIDB-niń kóptegen jobalary búgingi kú­ni qarjylandyrý kózderimen tolyq qam­ta­masyz etilgen. Bul kóp jaǵdaıda Memleket bas­shy­synyń shet memleketter (Fransııa, Germanııa, Italııa, Túrkııa, Qytaı) basshy­la­ry­men ýaǵ­da­las­tyqqa qol jetkizýiniń, Ulttyq qor­dyń, mem­lekettik hol­dıng­terdiń múm­kin­dik­teriniń, qa­zaq­standyq iri kompanııalar men qar­jy ıns­tı-týttarynda bastapqy kapıtal men re­sýrstardyń bolýynyń arqasynda júzege asyp otyr. Sonymen birge el ekonomıkasyna shetel ınves­tısııalaryn tartý áleýetiniń mol ekendigin, bul turǵyda múmkindikterdiń báriniń birdeı paıdalanylmaǵanyn da atap ótkim keledi. Aldyn-ala jasalǵan esepteýler ÚIIDB sheń­berinde taıaýdaǵy tórt jyl ishinde eko­no­mıkanyń shıkizattyq emes sektoryna keminde 30 mıllıard dollar ınvestısııa tartýǵa bolatynyn kórsetip otyr. Ol úshin Almaty óńirlik qarjy ortaly­ǵy­nyń, ishki qor rynoktarynyń, ıslamdyq qar­jy­lan­dyrýdyń, halyqaralyq qarjy ıns­tı­týt­tarynyń múmkindikteri men basqa da jaǵdaılardy belsendi paıdalaný qajet. Árıne, shetel ınvestorlarymen jumys mańyzdy baǵyttardyń birinen sanalady. О́ıtkeni biz olardan qarjy kapıtalyn ǵana emes, sonymen qatar ozyq tehnologııalar, me­nedj­mentter men brendter, ónim ótkizý ry­noktaryn ala alamyz. Biz mundaı jumystardy júrgizdik jáne júrgize de beretin bolamyz. Máselen, Indýstrııa jáne jańa tehnologııalar mınıstrligi “Samuryq-Qazyna” qorymen, memlekettik organdarmen jáne “KAZNEX INVEST” eksport jáne ın­ves­tısııalar jónin­de­gi ulttyq agenttikpen birlesip álemniń 21 eli­niń ınvestorlarymen tyǵyz jumystar júrgizip, 150-den astam ınvestısııalyq bastamalardy qarastyrýda. — Siz osylar jetkilikti bolady dep oılaısyz ba? — Biz syrtqy zaımdar rynogyndaǵy ahýalǵa syndarly baǵa bere otyryp, Qazaqstannyń tolyqqandy ınvestısııalyq habqa aınalýy úshin ınvestısııalar tartýǵa, bútindeı alǵanda elde ǵana emes, sonymen birge óńirler boıynsha da úzdik ınvestısııalyq ahýal týǵyzýǵa qalyptasqan júıeli jumystardyń ǵana kómegin tıgize alatynyn túsinemiz. Osy maqsatpen biz ÚIIDB jobalaryna ınvestısııalar tartýdyń arnaıy baǵdarlamasyn ázirledik, ol Memkomıssııada qaraldy. Onda júıeli degen máselelerdiń bir shoǵyryn sheshý jáne osy negizde birqatar zańnamalyq aktilerge ınvestısııa máseleleri boıynsha ózgertýler engizý qarastyrylǵan. Biraq qazirgi satyda birqatar ákimshilik-uıymdastyrýshylyq sharalar qabyldaýdyń da mańyzy zor. Atap aıtqanda, ınvestısııalyq “om­býds­men” túrinde qyzmet isteıtin shetel ın­ves­tısııalary jónindegi komıssııa qurý máselesi Úkimet deńgeıinde qaralýda. Onyń basty mindeti—memlekettik qyzmetshilerdiń óz jumys­taryna degen kózqarastaryn túbirinen ózgertý. Mem­le­kettik qyzmetshiniń ınvestorǵa qatysty “tártip saqshysy” emes ekenin túsinýdiń mańyzy zor. She­tel ınvestorlaryna degen sypaıy, oń nıetti kóz­qarasty áýejaıdaǵy shekara jáne keden qyzmetterinen bastap, belgili bir sheshimder shyǵarý isinde jaýapty mekemelerdiń bárindegi memlekettik qurylymdarda qalyp­tas­tyrý qajet. Sol sııaqty, úkimetaralyq komıssııalar men Qazaqstannyń dıplomatııalyq ókildikteriniń de qyzmetteriniń belsendilikterin arttyra túsý qajet. Bul oraıda úkimetaralyq komıssııanyń ár múshesi—elshi, mınıstr, ákim, ulttyq holdıngter men kompanııalar basshylary úshin shetel ınves­tısııalaryn tartýdyń maqsatty kórsetkishterin anyqtaý usynylady. Basqasha aıtqanda, munyń ózi jyl ishinde ol salaǵa nemese óńirge naqtyly qansha ınvestısııa tartýy tıis ekendigi jónindegi ózindik bir jospar ispetti bolmaq. Sondaı-aq árbir ákimdikte Indýstrııa jáne jańa tehnologııalar mınıstrligimen úılesimdi túrde shetel ınves­tor­larymen jumys jónindegi óńirlik ofıs qyzmetin atqaratyn qurylymdyq bólimsheler de bolýy kerek. —Memleket basshysy Shyǵys Qazaqstan oblysynda ótken shekaralyq qyzmettestik jónindegi forýmda sóılegen sózinde ınnovasııalyq damýdyń el damýy úshin strategııalyq turǵyda qanshalyqty mańyzdy ekenin taǵy da atap kórsetti. Bul baǵytta naqtyly qandaı jumystar atqarylýda? —Eń bastysy, biz negizgi úsh mindetti anyqtap aldyq. Bizdiń túsinýimizshe, ınvestısııa birtutas úsh mánge ıe. Birinshiden, ol ónerkásipti suranys pen ınnovasııalardy týyndatatyn negiz retinde tehnıkalyq modernızasııalaý. Ekinshiden, ol ózimizdiń ǵylymı jáne teh­nologııalyq bilik­ti­li­gi­mizdi ulǵaıtý. Úshinshiden, qolaıly ın­ves­tısııalyq orta qurý, ıaǵnı zańnamalardan bastap ǵalymdardy, jańashyl­dardy, ónertapqysh­tardy qoldaýdyń ınfraqurylymy men júıesin qurýǵa deıingi ınnovasııalyq ortany damytýdyń barlyq problemalaryn sheshý. Tek osyndaı kózqarastar arqyly ǵana ulttyq ınnovasııalyq júıege júıelilik pen keshendilik sıpat berýge bolady. Bul baǵytta biz kóptegen jumystar atqardyq. Atap aıtqanda, bıyl tuńǵysh ret ǵylymı izdenister úshin kommersııalyq tartymdylyqqa ıe granttar baǵdarlamasy iske qosyldy. Respýblıkalyq bıýdjetten 1,7 mıllıard teńge bólindi. Búginde ǵalymdardan 350 tapsyrys túsip, olar qazirgi tańda ekonomıkalyq, ekolo­gııalyq jáne tehnıkalyq saraptamalardan ótýde. Tehnologııalar transferti jáne kásip­oryn­dardy tehnologııalyq modernızasııalaýdyń yqpaldy mehanızmi retinde kóliktik máshıne jasaý jáne ken-metallýrgııa jabdyqtarynyń konstrýktorlyq bıýrosy quryldy. “Zıksto” zaýytymen birlesip hopper júk vagondaryn, perforatorlar shyǵarý jónindegi alǵashqy jobalar bastalyp ta ketti. Jyl sońyna deıin taǵy bireýi—munaı-gaz jabdyqtary jónindegi konstrýktorlyq bıýro jumysqa kirisetin bolady. — Innovasııalyq baǵytta Indýstrııa jáne jańa tehnologııalar mınıstrliginen ózge mem­le­kettik organdardyń belsendiligi qandaı dárejede? — О́kinishke qaraı, ınnovasııalyq damýdyń memlekettik organdardyń, ákimderdiń, mem­lekettik kompanııalar basshylarynyń bárine birdeı kúndelikti qyzmettegi shynaıy basym­dyq­qa aınala almaǵanyn moıyndaýymyz qajet. Biz­diń pa­ıym­daýymyzsha, ahýalǵa turaqty túrde mo­nı­t­o­rıng júrgizilip otyrýy tıis. Innovasııalyq saıasatty júzege asyrýǵa qatysty “Ortalyq—sala–óńir” úlgisi boıynsha baqylaýdyń jalpylaı qamtıtyn júıesin qurý kerek. О́ńir basshylary joǵary tehnologııaly ınnovasııalyq óndiristerdi óz qorǵaýlaryna alyp, olarǵa barynsha qolaıly rejimder týǵyzýy kerek. Árbir jańashyl, ónertapqysh bıliktiń erekshe yqylasyna bólenýi tıis. Onyń syrtynda ár óńirde, ár salada jáne árbir basym baǵyttar bo­ıynsha ınnovasııalar ortalyqtaryn qurý múmkindikterin zertteýge kirisý kerek. Búkil ádistemelik qoldaýdy, úderisterdi úı­les­tirýdi, ınstıtýttyq kómekti bizdiń mınıstrlik usynatyn bolady. О́z kezeginde árbir memlekettik organ men ulttyq kompanııada ınnovasııa máseleleri úshin jaýap beretin basshynyń birinshi orynbasaryn belgileý qajet. — Bıznes-ahýaldy jasqartý úshin naqty qandaı jumystar atqarylatyn bolady? — Sońǵy jyldary shaǵyn jáne orta bızneske sa­lyqtyq aýyrtpalyqtar dáıekti túrde tó­men­detilýde, ákimshilik kedergiler qysqar­ty­lýda. Biraq biz Keden odaǵynyń qurylýyna baı­lanysty bizdiń elimiz ben jekelegen óńirler ar­synda salamatty básekelestiktiń kúsheıe tú­setinin de túsinýge tıispiz. Ol degenińiz, bizdiń is­kerlik ahýal­dyń tartymdylyǵyn árbir krı­terııler bo­ıynsha tekserip, neǵurlym operatıvti, ıkemdi, beıtarap, tipti kreatıvti bolýymyz kerektigin bildiredi. Prezıdent atap kórsetkendeı, kásipkerlik qyzmetti qylmystyq jaǵdaılardan aryltý da mańyzdy mindetterdiń biri bolyp tabylady. Ony kásipkerlik qyzmettegi quqyqtyq ortany jetildirý arqyly qamtamasyz etýge bolady. Eksportqa baǵyttalǵan, joǵary ónimdilikti, ın­no­vasııalyq kásiporyndardy barynsha qor­ǵaý­ǵa alý qajet, óıtkeni básekege qabiletti eko­no­mı­kany qurýdyń “draıverleri” de dál solar bo­lyp tabylady. Sol sııaqty memlekettik basqarý organdarynyń kásipkerlik ortada paıda bolǵan problemalardan beıtarap qalmaı, olardy bir­lesip sheshý qajettiligin túsinýi de asa mańyzdy. —Úkimet otyrysynda sóılegen sózińizde siz úde­meli ındýstrııalyq-ınnovasııalyq damý baǵ­darlamasyn júzege asyrýdyń tıimdiligin arttyrý jónindegi birqatar keńesterdi ortaǵa saldyńyz. Solar týraly egjeı-tegjeıli aıtyp bermeısiz be? —Bizdiń pikirimizshe, memlekettik organdar ju­my­synyń tıimdiligin arttyryp, Memleket bas­shysy 2020 jylǵa deıingi kezeńge alǵa qoıǵan min­detterdi sheshý úshin bıliktiń barlyq tarmaq­taryn qaıta quryp, kúsh-jigerdi shoǵyrlandyrý qajet. ÚIIDB sheshetin mindetter aýqymdy da kóp deńgeıli. Jobany júzege asyrý qajetti zań­dar­dy qabyldaýdan bastalyp, jekelegen kásip­or­yn­dar­dyń naqty problemalaryn sheshýmen aıaqtalady. Qandaı da bir baıaýlaýshylyq, eń bir kishkenteı degen máseleniń ózin ýaqytynan keshiktirip sheshý tizbekti reaksııa týyndatady, al onyń artynda baǵdarlamanyń strategııalyq maqsattarynyń oryndalmaı qalý qaýpi tur. Qazirgi tańda ózara baılanysqan myńdaǵan is-sharalardy eskerip otyratyn basqarýdyń zamanaýı ádis-tásilderi qajet. Sondyqtan da arnaıy organ–Indýs­trııa­lan­dyrýdy basqarý ortalyǵyn qurý usynylyp otyr. Onyń basty maqsaty—baǵdarlamalar men jobalardyń júzege asyrylýynyń barlyq satylarda da tıimdi oryndalýyna baqylaý ornatý. — Úkimet otyrysynda Premer-Mınıstr Kárim Másimov ındýstrııalyq saıasatty ulttyq ıdeıa deńgeıine deıin kóterý qajet degen másele kóterdi. ÚIIDB-ni júzege asyrý jónindegi áriptesterińiz buǵan qalaı qaraıdy? — Sál burynyraq, Premer-Mınıstrdiń tap­syrmasy boıynsha Prezıdent Ákimshiligimen jáne “Nur Otan” HDP-men konsýltasııalar ótkizildi. Jobalarmen jáne ınvestorlarmen jumys­taǵy bizdiń olarmen ózara baıla­nys­ta­rymyz jaqsy sıpatqa ıe. Atap aıtqanda, “Nur Otan” HDP-men baǵdarlamany jarııalaý men tú­sind­irýde kómek kórsetiletindigi týraly kelisimge keldik. Partııa ókilderi ÚIIDB-niń maqsattary men mindetteri týraly aqparattardy árbir úıge, eldiń árbir turǵynyna deıin jetkizýge nıetti. Biz ındýs­trııa­landyrýdyń kezekti nasıhattyq naýqan emes eke­nin, onyń shyndap qolǵa alynǵan jáne toqtaýsyz atqarylatyn is ekenin árkimge de jetkizýge tıispiz. —Áńgimeńizge rahmet. Áńgimelesken  Seıfolla ShAIYNǴAZY.