23 qyrkúıekte Astanada Qazaqstan Respýblıkasy Prezıdentiniń Ákimshiligi Basshysynyń orynbasary T.Donaqovtyń tóraǵalyǵymen Qazaqstan Respýblıkasy Prezıdentiniń janyndaǵy Quqyqtyq saıasat jónindegi keńestiń kezekti otyrysy bolyp ótti.
Keńes otyrysynda Konstıtýsııalyq Keńestiń normatıvtik qaýlylarynyń jáne Konstıtýsııalyq Keńestiń elimizdegi konstıtýsııalyq zańdylyqtyń jaı-kúıi týraly joldaýlarynyń iske asyrylý máseleleri qarastyryldy.
Sonymen birge Keńes otyrysynda “Medıasııa týraly” zań jobasynyń jáne “Qazaqstan Respýblıkasynyń keıbir zańnamalyq aktilerine arnaıy ekonomıkalyq aımaqtar máseleleri boıynsha ózgerister men tolyqtyrýlar engizý týraly” zań jobasy konsepsııasynyń konseptýaldy máseleleri talqylandy.
Atalǵan máseleler boıynsha Konstıtýsııalyq Keńestiń, Joǵarǵy Sottyń, Indýstrııa jáne jańa tehnologııalar mınıstrliginiń aqparattary tyńdaldy.
Quqyqtyq saıasat jónindegi keńes otyrysynyń usynystary Qazaqstan Respýblıkasynyń zańnamasyn ári qaraı jetildirýde eskeriletin bolady.
Qazaqstan Respýblıkasynyń Prezıdenti Ákimshiliginiń Memlekettik-quqyq bólimi.