Aqtóbe qalasynda qoǵamdyq tamaqtandyrý salasynyń qyzmetin jaqsartý baǵytynda biraz jumystar jasalýda. Oblys ortalyǵyndaǵy meıramhanalar men qonaq úıler óz qyzmetterin álemdik standarttarǵa saı júrgizýge talpynýda. Sonyń bir mysaly jyl saıyn meıramhanalar arasynda ótkiziletin tátti taǵamdar festıvali deý oryndy. Festıvalǵa qatysqan 12 meıramhana ókilderi sheteldik mamandarmen tájirıbe almasty. Onda Máskeýden, Túrkııadan jáne Almatydan kelgen arnaıy jattyqtyrýshy mamandar daıashylar men aspazdarǵa dáris berdi. Sondaı-aq, festıvaldiń aıasynda tátti taǵamdar kórmesi uıymdastyryldy. Festıval sońynda “Úzdik daıashy”, “Úzdik kýlınar” jáne “Úzdik tátti taǵam pisirýshi” nomınasııalary boıynsha jeńimpazdar anyqtalyp, olarǵa baǵaly syılyqtar tapsyryldy.
Satybaldy SÁÝIRBAI, Aqtóbe oblysy.