Aýdan ortalyǵy Baıanaýylda áýelden qurylysy bastalǵan bul záýlim ǵımarat 600 oqýshyǵa arnalǵan mektep-ınternat bolady dep josparlanǵan edi. Taý baýraıynda otyrǵan aýyldardan kelip oqıtyn bala sany jetińkiremedi. Qurylysy da eki-úsh jyldaı kesheýildep qaldy. Keńesip pishpegen tonnyń kelte bolǵany da ras. Osydan keıin keıbir basshylardan ketken osyndaı kemshilikti túzep, oblys ákimi Baqytjan Saǵyntaevtyń tapsyrmasymen bul úı balalarǵa arnalǵan oqý-saýyqtyrý ortalyǵyna aınaldy. Ásem Baıanaýyldyń tabıǵaty balalardyń jaqsy demalyp, densaýlyqtaryn shyńdaýǵa shıpa bolary sózsiz. Jaz boıy ortalyqta oblystyń aýyl, aýdan ortalyqtarynda turatyn 134 oqýshy demalypty.
Olardyń qatarynda oqý ozattary, pán olımpıadalarynyń jeńimpazdary, jetimder men az qamtamasyz etilgen otbasylardyń balalary bar. Ortalyqtyń balalar úshin jyl boıy esigi ashyq. Munda jyldyń ár mezgilinde keletin balalar eki-úsh apta demalyp qaıtady. Oqýshylardyń sabaqtan qol úzip qalmaýlary úshin barlyq jaǵdaı jasaldy. Munda tájirıbeli muǵalimder, sport mamandary, dárigerler qyzmet jasaıdy.
Farıda BYQAI, Pavlodar oblysy.