Alǵysymyzdy arnaımyz

Redaksııaǵa hat Jasampaz elimizdiń or­dasy – Astana kún ótken sa­ıyn qulpyryp, óziniń er­ek­she arhıtektýralyq tal­­ǵa­mymen ǵana emes, túrli qyzmet kórsetý sa­pa­symen de adamdardyń júreginen tez oryn ala bildi. Táýel­sizdiktiń aq tańynyń arqa­synda qazaq halqynyń mańdaıyna jazylǵan, keń peıiline buıyrǵan Astana­nyń qyzyǵyn, Allaǵa shúkir, qazir bárimiz kórip jatyr­myz. Elordada túrli ásem qurylystardyń boı kóte­rýi, halyqtyń ıgiligine ar­nalyp salynǵan nysan­dar­dyń ha­lyqqa jaqsy qyz­met jasap jatqandary biz­diń el per­zenti retinde se­zinetin eń úlken baqyty­myzdyń biri. Sonyń biri ári biregeıi Memlekettik jedel járdem ortalyǵy der edik. Osy bıyl 1 shildeden bastap óz jumystaryn bastap ketken bul mekemedegi aq halatty abzal jandardyń janarla­ry­nan erekshe meıirim shýaǵy tó­gilip turatyndaı. Táýlik boıy saqadaı saı otyratyn medı­sına salasynyń túrli maman­dary kúnine 100-ge tarta naý­qas­tardy qabyldaıdy. Al olar­dyń 90 paıyzy 60 pen 90 jas aralyǵyndaǵy qart adamdar. Jaqynda ǵana osy jedel jár­dem ortalyǵynyń “A” blogyn­daǵy kóz emdeý bólimine túsip edik. Jaýapkershiligi joǵary kásibı mamandardy kórgende tez arada saýyǵyp ketýge degen úmitimiz kúsheıe tústi. Álmıra Ábdúlhaqqyzynyń basqarýyndaǵy bóliminiń barlyq qyzmetkerleri ózderiniń kásibı sheberlikterimen, naýqasqa de­gen erekshe jaýapkershilik­te­rimen bizdi tántti etti. Mun­daǵy 25 jyldyq eńbek tájirı­besi bar, óte bilikti ári bilimdi dárigerler ǵana emes, meıirimdi, myqty, jigerli Aıjan Qalıeva, Sne­jana Pýchko, Aqmaral Age­le­­ý­ova syndy jastardy da kór­­­g­ende kádimgideı qýanyp qaldyq. Kóz tamyrlaryna operasııa jasaý óte qıyn, kúrdeli ekenin jaqsy bilemiz. Degenmen de, munda kúnine 8-10 adamǵa ope­ra­sııa jasalynady. Osynyń ózi dárigerler biliktiliginiń kórinisi dep oılaımyz. Áýeli kórý qa­bileti nasharlap qos janarynan aıyrylǵan 86 jastaǵy V.Mus­ta­fına esimdi apamyzǵa opera­sııa jasalyp, túbegeıli em júrgizilgenniń arqasynda qazir ol kisi qaıta kóretin boldy. “Elge el qosylǵa qut”, de­gen sóz osyndaıda aıtylǵan bo­lar. Astanamyzǵa kelgen jańa ujymǵa el qurmetine bólenip, abyroıly bolyńyzdar dep tile­gimiz keledi. Biz, Qazaq­stannyń tórt buryshynan kelgen zaǵıp jandarmyz. Áli sizderden úmit kútetin syrqat­tar qanshama. Sondyqtan osy alǵan bet­teri­ńizden taı­mańyzdar. Elimiz, hal­­qy­myzǵa aq, adal eńbek­te­rińizdi arnańyzdar. Sizderge bizdiń alǵysymyz sheksiz, densaýlyqtaryńyz myqty bolyp, otbasy ba­­qytyn kórińizder. Jany jaraly zaǵıp jan­­­darǵa qol ushyn berip, eńbek etip jatqan bul ujymnyń áli-aq el qur­me­tine bólenetini sózsiz. Alla taǵala osyndaı den­saýlyq mamandarynyń eli­mizde kó­beı­genin násip etsin! Emdelýshilerdiń atynan:  S.Orazalın, A.Bektemirova, Q.ÁbdÁlıeva,  R. Saıfýllına, t.b. Astana.