Qazaqstan Parlamenti Májilisiniń Tóraǵasy Oral Muhamedjanov Túrkııanyń Qazaqstan Respýblıkasyndaǵy Tótenshe jáne ókiletti elshisi Lale Úlker hanymmen kezdesti. Aıta ketý kerek, bul júzdesý Túrkııa elshisiniń Qazaqstandaǵy qyzmetiniń bastalýyna baılanysty ótip otyr. Májilis Tóraǵasy elshini jańa qyzmetimen quttyqtap, Qazaqstan men Túrkııa arasyndaǵy tarıhy tereńde jatqan dostyq baılanystarǵa toqtaldy, dep habarlady osy palatanyń baspasóz qyzmeti.
Eki eldiń bir-birine degen qurmeti erekshe. Sonyń aıǵaǵy retinde Astana qalasynda ótken jyly Túrik eliniń kósemi, tuńǵysh Prezıdenti Mustafa Kemal Atatúriktiń eskertkishi boı kóterdi. Al bıyl Túrkııa astanasy Ankara qalasynyń tórinde Qazaqstan Prezıdenti Nursultan Nazarbaevtyń eskertkishi ashyldy. Bul bizdiń Elbasymyzǵa, halqymyzǵa degen shynaıy qurmet ekeni anyq. Sondaı-aq Almaty qalasyndaǵy bir kóshege Turǵyt О́zaldyń esimi berilgen. Taraptar jeltoqsan aıynda Astanada bolatyn EQYU Sammıti týraly, Túrki PA-nyń róli jónindegi oılaryn ortaǵa saldy.
Kezdesý sońynda Májilis Tóraǵasy óz áriptesteri atynan elshiniń Qazaqstandaǵy mártebeli qyzmetine tabys tiledi.