Sybaılas jemqorlyqqa qarsy kúres

Komıssııanyń kezekti májilisinde qaraldy Aqordada Memlekettik hatshy – Syrtqy ister mınıstri Qanat Saýdabaevtyń tóraǵalyq etýimen Qazaqstan Respýblıkasy Prezıdentiniń janyndaǵy Sybaılas jemqorlyqqa qarsy kúres máseleleri jónindegi komıssııanyń kezekti otyrysy boldy. Kún tártibinde tótenshe jaǵ­daı­lar men qorshaǵan ortany qorǵaý organdarynyń, sondaı-aq sybaılas jemqorlyqqa qarsy kúrestiń memlekettik, óńirlik baǵ­darlamalaryn iske asyrý boıynsha Atyraý, Qyzylorda oblystary­nyń ákimdikteri qyzmetterinde sybaılas jemqorlyqqa qarsy is-qımyl boıynsha atqarylǵan sharalardy talqylaý boldy. “Sybaılas jemqorlyqqa qarsy kúrestiń qoǵam men memleket qaýip­sizdiginiń mańyzdy faktory bolýy zańdy. Osy sebepti Prezı­dentimiz oǵan basa nazar aýdaryp otyr” dedi komıssııa otyrysynda tóraǵa. Al atqarylǵan jumys nátı­je­leri týraly Tótenshe jaǵdaı­lar jónindegi jáne Qorshaǵan ortany qorǵaý mınıstrleri V.Bojko men N.Áshimov baıandamalar ja­sady. Atyraý oblysynyń ákimi B.Rysqalıev, Qyzylorda oblysy­nyń ákimi B.Qýandyqov sybaılas jemqorlyqqa qarsy kúrestiń 2006-2010 jyldarǵa arnalǵan óńirlik baǵdarlamalaryn iske asyrý jóninde esepter berdi. Otyrys qorytyndysy boıyn­sha komıssııa tıisti memlekettik or­gan­darǵa óz qatarlarynda jemqor­lyqty boldyrmaý, kadrlarmen tıisti jáne ashyq jumys isteý, memlekettik qyzmet kórsetý standarttaryn múltiksiz saqtaý men onyń sapasyn kóterý jaıy jan-jaqty áńgime arqaýyna aınalyp, 2006-2010 jyldarǵa arnalǵan memlekettik jáne óńir­lik baǵdarlamany, Elbasynyń sybaılas jemqorlyqqa qarsy kúresti kúsheıtý jónindegi tap­syrmalaryn iske asyrý boıynsha júıeli jumystar júrgizýge usy­nym jasaldy. Súleımen MÁMET.