Taý balasy

Kórgen jannyń kókeıinen ketpeıtin kıeli Sýyqtóbeniń naı­za­ly shyńy men shalqar shatqaly san ǵasyrdyń syryn búkken she­ji­rege toly. Osy taýdyń ústir­tin­de Quramystyń shańyraǵyn shat­tyqqa bólegen náreste ómirge kelip, qyrqynan da osy jerde shy­ǵarylypty. Balalyq bal­dáý­re­ni tabıǵaty tamyljyǵan jaılaý men qystyń qytymyr kez­deri­men jalǵasyp, shyń-quzdy me­kendegen búrkit pen qarshyǵa, ular men úki únin estip ósedi. Osydan ba eken, onyń tamasha sýretin kóńil perdesine túsirip, óleńdi ómirine ózek, sóz ónerin mu­rat etip, ǵumyr keshýi. Jol­das­hanǵa taý balasy degen teńeýdiń tikeleı qatystylyǵy osydan. О́ner kóshine ilese júrip, qa­lam-qarýyn qolyna alýmen qa­tar akter, sazger, jýrnalıst, aı­tys ónerinde de ózindik qol­tań­ba­sy bar ekenin dáleldegen za­man­da­symyz jyldar ótken saıyn  shu­­ǵylaly kúnge shaǵylysqan asyl tastaı jarqyraı túsýde. «Al­­ǵashynda M.Áýezov atyndaǵy te­atr janyndaǵy stýdııada oqyp,  «Aıman-Sholpan» spektaklindegi Jan­tyq beınesin somdapty. Je­ti­sý jerindegi aıtysker aqyn­dar­dyń qatarynda 1977 – 1985 jyl­dar­da ótken oblystyq, res­pýb­lı­ka­lyq aqyndar aıtysyna qa­ty­syp, bas báıgeni ıelengeniniń ózi de onyń sóz ónerin qadir tut­qa­ny­nyń belgisi» deýge bolady. Taý balasynyń tabıǵat bergen qasıeti men qabileti án jazý men saz­gerlik salada da erekshe ta­nyl­dy. О́ziniń kindik kesip, kir jý­ǵan mekeni jaıly «Sýyqtóbe sazy», «Ular úni» ánderimen tyń­darman qaýymynyń júregine jol tapty. Eli men jerine degen perzenttik paryzynyń óteýindeı elimiz táýelsizdigin alǵan alǵashqy jyl­dary shabyt shaqyryp, jyr sú­leıleri Súıinbaı men Jambyl óleńderine án qosty. Nátı­je­sin­de «Jańa ǵasyrǵa- jańa án» res­pýb­lıkalyq baıqaýynda «Meniń pirim – Súıinbaı» atty óleńine shy­ǵarǵan áni birinshi júldeni je­ńip aldy. Elimizdiń órkendeýine jolbas­shy bolǵan, salıqaly saıasatker, tuńǵysh Prezıdentimiz Nursultan Nazarbaevqa arnaǵan «Elbasy, ba­ǵy – Nuraǵa!» jańa áni de halyq­pen qaýyshyp, tyńdaǵanda áýezdi án sezimińdi bıikke ala qashyp, rýh­ty kóteretin ótkirligimen  erek­­shelenedi. Sonymen qatar «Tý­ǵan jer», «Uly baba – er Qa­ra­saı», «О́mir-aı», taǵy basqa án­de­ri de týǵan jerge, Otanǵa degen perzenttik paryzdyń óteýindeı asqaq. О́mir-ónerdegi  tynymsyz tir­shi­liktiń arnasynda óz soqpaǵyn tapqan jannyń shyǵarmalarynan jú­rek qylyn shertetin, tula boı­dy elitetin áýezdi áni men jyry ómirge degen qushtarlyǵyńdy art­ty­rýmen birge kóńil kózińdi asha­dy. Jazýshy, aqyn  Orysbaı Áb­dil­dáuly sózin jazǵan «Maıtóbe» áni asqaq Alataýdyń ajaryn ashýmen birge kókmaısaly shalǵynyn belden keshkendeı áserge bóleıdi. Bul án qaı ortada bolsyn tyń­daý­shysyn qumartyp, ónerdiń halyq­pen birge jasaıtyndyǵynyń dá­le­lindeı. Shyǵarmashylyq kemeline kelgen Joldashan Áýkenuly erkin tógilgen ásem áýen, názik lırızm, yqylym yrǵaqtaǵy ánderdi  ómir­ge ákelý úshin tún uıqysyn tórt bólip, tynymsyz tirlik ke­she­di. Meıir qandyratyn móldir, shy­naıy, syrshyl án shyǵarý jo­lyn­daǵy izdenisi beker ketpedi. О́ıt­keni, 2002 jyldan beri ótki­zi­lip kele jatqan respýblıkalyq M.Tólebaev atyndaǵy án baı­qa­ýyn­da júldeli orynnan kórinýi oǵan dálel. Nátıjesinde ótken jy­ly «Názik sezim» nomınasııasy bo­ıynsha jyr alyby Jambyl men Burym mahabbatyna arnalǵan «Arman – ǵasyr» áni kótermeleý syı­lyǵyn ıelenipti. Sondaı-aq, «Elim meniń», «Shapyrashty Naý­ryz­baı» áni mátinin jazǵany úshin de oryndy marapattalǵanyn aıt­qan jón. Aqyn-sazger búginde ózin tol­qytqan, tebirentken taqyryp­tar­ǵa qalam silteıdi. Bıylǵy jyly «Nur Otan» halyqtyq-de­mo­kratııalyq partııasy ótkizgen «Elim dep soqqan júregim» án baı­qaýynda júldeli birinshi jáne úshinshi orynnan kórinip, mereıi ústem boldy. «Jambyl ata eli» ánin «Qulansaz» etnografııalyq án-bı ansambliniń oryndaýshy­la­ry áýelete shyrqasa, shyǵarma ór­shil­digimen halyq kóńilinen oryn aldy. Búginde Joldashan Qura­my­sov Súıinbaı aqyn murajaıynyń dı­rektory qyzmetinde  babanyń baı murasyn zertteýde ıgi iz­denisi­men tanylǵan. О́mirlik jol­da­sy Aqjoltaımen birge bes bala tár­bıelep, ulyn uıaǵa, qyzyn qııa­ǵa qondyrdy. Danııary sazger re­tinde tanylsa, Madııary – erkin kú­resten halyqaralyq sport she­be­ri, qyzy Lázzat ustaz, Sanjar men Saltanat ta mamandyqtary bo­ıynsha eńbek etýde. Shańy­raq­ta­ǵy nemerelerdiń bal kúlkisi de ata men ájeniń qýanyshyn eseleı túsken. Ular únin estip, eńlik gúliniń hosh ıisin  qumarlana jutqan Jol­dashannyń  búgingi  ómiri tebirenis pen tolǵanysqa toly. Sah­na­dan sózi men áýeni eljandylyq, tý­ǵan jerge degen kirishiksiz mahabbat sezimine bóleıtin án qu­laq­qa kelgende ómirge degen, óner­ge degen qushtarlyǵyń ar­ta­dy.  Bul ónerdiń qudireti. Bul ty­nym­syz tirlik keshken jannyń jú­rek lúpili. Bul taý balasy taý­ǵa qarap ósetininiń dáleli. Kúmisjan BAIJAN Almaty oblysy.