Memleket basshysy Nursultan Nazarbaev belgili qazaqstandyq jazýshy Ivan Shegolıhınniń qaıtys bolýyna baılanysty marqumnyń otbasyna kóńil aıtý jedelhatyn joldady.
«Bul barsha qazaqstandyqtar úshin, jeke men úshin aýyr qaza. Tamasha adam, daryndy tulǵa ómirden ótti. Jazýshy jáne Azamat. Bul sózder eń joǵary mánge ıe. Ivan Pavlovıch bizge óziniń ádebı murasyn, qazaq ádebıeti klassıkteriniń kásibı aýdarmalaryn qaldyrdy. Ivan Pavlovıch Shegolıhınniń jarqyn beınesi árdaıym bizdiń júregimizde saqtalady», delingen Memleket basshysy joldaǵan jedelhatta.