*Italııada Jańa jyl 6 qańtarda bastalady. Bul elde Jańa jyldy eskilerdiń bárinen tazara otyryp bastaý kerek dep esepteıdi. Sondyqtan Jańa jyl túninde búkil eski zattardy terezeden laqtyrý dástúri qalyptasqan. Yrym boıynsha, bosaǵan oryndardy mindetti túrde jańa zattar ıemdenetin bolady.
*Quttyqtaý ashyq hattarymen almasý dástúri eń alǵash Anglııada paıda bolǵan. Alǵashqy jańajyldyq ashyq hat Londonda 1843 jyly basylyp shyqqan eken. Brıtan araldarynda «Jańa jyldy engizý» salty keń taraǵan. Sol úshin munda saǵat 12-ni soqqanda Eski jyldy shyǵaryp jiberý úshin artqy esikti ashady da, saǵattyń sońǵy soǵýymen birge aldyńǵy esikti ashyp ishke Jańa jyldy kirgizedi.
*Vetnamda Jańa jyl aı kúntizbesi boıynsha 21 qańtar men 19 aqpan aralyǵynda atalyp ótiledi. Merekelik dastarqanǵa gúl shoqtary qoıylady. Bul túni barlyq urys-kerister umyt bolyp, ókpeletkenderge keshirim jasalady.
*Nepalda Jańa jyldy kún shyǵa qarsy alady. Túnde, aı tolysqan kezde nepaldyqtar alaý jaǵyp, oǵan kerek emes zattaryn laqtyrady. Kelesi kúni boıaýlar merekesi bastalady. Adamdar betterine, qoldaryna, keýdelerine túrli boıaýlar jaǵyp alady da, kóshege shyǵyp án aıtyp, bı bıleıdi.
*Kýbalyqtar Jańa jyl qarsańynda úıdegi búkil ydystardy sýǵa toltyrady da, tún ortasynda ony terezeden syrtqa tógedi. Osylaısha Bostandyq aralynyń turǵyndary Jańa jylǵa sý sııaqty jarqyn da taza jol tileıdi.
*Bırmada Jańa jyl sáýirdiń 12-si men 17-si aralyǵynda bastalady. Onyń naqty bastalar kúnin Mádenıet mınıstrligi arnaıy buıryqpen habarlaıdy, sóıtip, meıram úsh kúnge jalǵasady.
*Japon balalary Jańa jyldy jańa kıim kıip qarsy alady. Ol Jańa jylda densaýlyq pen sáttilik ákeledi dep esepteledi. Qońyraýdyń 108 soqqysy Japonııaǵa Jańa jyldyń kelgenin habarlaıdy. Jańa jyl kelgen kúni tańerteńgilik japondar kúnniń shyqqanyn qarsy alý úshin syrtqa shyǵady. Kúnniń alǵashqy shapaǵymen olar bir-birin quttyqtap, syılyqtar tabystaıdy.
*Iranda Jańa jyldy 22 naýryzdyń tún jarymynda qarsy alady.Bul kúni búkil myltyqtardan oq atylady. Bul elde Jańa jyldyń alǵashqy kúninde úıdegi eski qysh ydysty syndyryp, ony jańamen almastyrý dástúri qalyptasqan.
* Bolgarııada qonaqtar, týǵan-týystar Jańa jylda merekelik dastarqanǵa jınalady jáne búkil úılerde úsh mınýtqa jaryq óshiriledi. Meımandar qarańǵyda qalatyn sát jańajyldyq súıisý mınýttary dep atalady, onyń qupııasyn qarańǵylyq qana biledi.
*Grekııada qonaqtar ózderimen birge úlken tas ákelip, ony «Qojaıynnyń baılyǵy osy tastaı aýyr bolsyn» degen sózdermen tabaldyryqqa tastaıdy. Eger úlken tas tabylmaı qalsa, onda «Qojaıynnyń kózindegi terisken osy tastaı kishkentaı bolsyn», deı otyryp, tabaldyryqqa kishkentaı tasty tastaıdy.
«Egemen-aqparat».