ASTANA. 3 qańtar. El-Salvador Respýblıkasynyń San-Mıgel qalasynda jańa jyl merekesi kezinde belgisiz bireýler 5 adamdy óltirip ketti. Bul týraly TASS aqparat agenttigine silteme jasaǵan egemen.kz tilshisi habarlady.
Eki turǵyn úıge basa-kóktep kirgen qarýlanǵan top otbasy múshelerine birden oq jaýdyrǵan. Qaza tapqandardyń arasynda 11 jastaǵy bala da bar. Jergilikti polısııa qyzmetkerleriniń aıtýynsha, oqıǵa bolǵan aýdan «Mara Salvatrýcha» degen atqa ıe qaraqshy toptyń baqylaýynda. Osy sebepke baılanysty úı ıesi men bandalardyń arasynda kelispeýshilik bolǵan degen boljam jasaldy.
Dúısenbi kúni taǵy bir qylmysker toptyń múshesi el astanasy San-Salvador qalasynan 23 shaqyrym qashyqtyqta ornalasqan Olokýılta mýnısıpalıtetinde jergilikti patrýl qyzmetkerlerine shabýyl jasady. Atys kezinde tártip saqshylary qarsy toptyń bes adamynyń kózin joıdy.
Aıta keteıik, El-Salvador Respýblıkasy sońǵy jyly álemdegi zorlyq-zombylyq jıi bolyp turatyn memleketterdiń birine aınaldy. О́tken jyly qańtar aıynyń basynan qarasha aıynyń sońyna deıin 6044 adam qylmyskerlerdiń qurbany bolǵan. Bul degenimiz 2014 jylmen salystyrǵanda 72,5 paıyzǵa kóp.
Aıan Ábdýálı.
Derek: TASS.
Sýret: ren.tv.