PETROPAVL. 5 qańtar. «Qazposhta» AQ-nyń «Aıaz ataǵa hat jaz» jobasy aıasynda uıymdastyrylǵan aksııa barysynda otbasylyq úlgidegi balalar aýylynyń tárbıelenýshisine Elbasy Nursultan Nazarbaevtyń atynan mýzykalyq ortalyq pen qazaqstandyq jazýshylardyń kitaptar jınaǵyn saltanatty jaǵdaıda tapsyryldy. Bul týraly egemen.kz tilshisi habarlady.
Oblys ortalyǵyndaǵy otbasylyq úlgidegi balalar úıinde turyp jatqan Vıktorııa Golýbsova jeltoqsan aıynda «Qazposhta» AQ-y uıymdastyrǵan- «Aıaz ataǵa hat jaz» aksııasyna qatysyp, Prezıdent atyna hat jazady. Onda aqjarma tilegin jetkize otyryp, mýzykalyq ortalyǵym bolsa degen armanyn jasyrmaıdy. Jańa jyl aldynda onyń balatilegi qabyl bolyp, úlken qýanyshqa bólendi.
«Qazposhta» AQ SQOF-nyń dırektory Erik Nuraqaevtyń aıtýynsha, elimiz boıynsha aksııaǵa shamamen 4 myń bala qatysqan. Olardyń júrek túkpirinen shyqqan jyly lebizderi barlyq jerlerge ornatylǵan jáshikterge salynyp, ǵalamtorǵa ornalastyrylǵan.
«Balalarǵa jasap kele jatqan udaıy qamqorlyǵy úshin Nursultan atama zor alǵysymdy bildiremin. Barsha baldyrǵandar atynan Jańa jyl merekesimen quttyqtaımyn. Zor densaýlyq, otbasylyq baqyt tileımin», deıdi otbasylyq úlgidegi balalar úıiniń shákirti Vıktorııa Golýbsova Elbasyna jazǵan hatynda.
Búginde balalar aýylynda 7 jastan 18 jas aralyǵyndaǵy 51 tárbıelenýshi turyp jatyr.
О́mir Esqalı.
Derek,sýret: egemen.kz