ASTANA. 6 qańtar. Japonııada 2015 jyly kıber shabýyldardyń saldarynan 2,07 mıllıon adamnyń jeke málimetteri urlanǵan. Bul týraly Kyodo aqparat agenttigine silteme jasaǵan egemen.kz tilshisi habarlady.
Hakerlerdiń áreketinen 140-qa jýyq mekeme zardap shekti. Olardyń basym kópshiligi polısııa qyzmetkerlerinen arnaıy habarlama kelgennen keıin baryp málimetterdiń urlanǵanyn bilgen. El bıliginiń aıtýynsha, qolǵa túsken aqparattardyń bul kórsetkishten artyp ketýi de ǵajap emes.
Qoldy bolǵandardyń qatarynda nesıe kartanyń, meken-jaı jáne týǵan kúnderdiń derekteri bar. О́tken jyly eń iri kıber shabýyldardyń biri Japonııanyń zeınetaqy qoryna jasaldy. Saldarynan 1,25 mıllıon jergilikti halyqtyń zeınetaqy shoty urlandy.
Polısııa qyzmetkerleri 8 iri memlekettik mekemeniń kıber shabýyldarǵa tap bolǵanyn málimdedi. Olardyń qatarynda Tokıonyń saýda-ónerkásiptik palatasy, Hırosımanyń halyqaralyq ortalyǵy, Japonııanyń munaı kompanııalar qaýymdastyǵy bar. Mamandar atalǵandardyń bárine bir ǵana toptyń shabýyl jasaǵany jóninde boljam jasady.
О́tken jyly Japonııa bıligi kıber qylmysqa qarsy turýdyń jańa bir sheshimin oılap tapty. Jańa josparǵa baılanysty memleketke paıdasy bar barlyq maǵlumattardy ǵalamtor arqyly urlaı almaıtyndaı etip «oflaın» qoıady. Kúnshyǵys eli bul máselede ózge memlekettermen birigip qyzmet etýdi maqsat etti.
Aıan Ábdýálı.
Sýret: TASS.
Derek: interfax.ru.