ASTANA. 6 qańtar. Ushqysh-ǵaryshker Aıdyn Aıymbetov «Qazaqstan Ǵarysh Sapary» ulttyq kompanııasy» aksıonerlik qoǵamynyń vıse-prezıdenti bolyp taǵaıyndaldy. Bul týraly atalǵan kompanııanyń baspasóz qyzmetine silteme jasaǵan egemen.kz tilshisi habarlady.
Aıdyn Aıymbetovti «Qazaqstan Ǵarysh Sapary» UK» AQ ǵarysh júıelerin jasaý jáne qoldanysqa berý jónindegi vıse-prezıdenti etip taǵaıyndaý týraly buıryqqa 2016 jyldyń 5 qańtary kúni qol qoıyldy. Kompanııa prezıdentiniń mindetin atqarýshy Marat Nurǵojın jańa vıse-prezıdentti ujymmen tanystyryp, aldaǵy jumysyna sáttilik tiledi.
Halyq Qaharmany Aıdyn Aıymbetov barlyq bólimsheniń qyzmetimen tanysyp, alǵashqy jumys jınalysyn ótkizdi. Sondaı-aq, ol ózine artylǵan jaýapkershilikti sezinetinin jáne júktelgen mindetterdi oryndaıtynyn aıtty.
Aıdyn Aıymbetov – Qazaqstan shyqqan úshinshi ǵaryshker. Ol 2015 jyldyń 2 qyrkúıeginde ǵaryshqa ushyp, 12 qyrkúıekte Jerge oraldy.
Elaman Qońyr.
Derek: «Qazaqstan Ǵarysh Sapary» UK» AQ baspasóz qyzmeti.
Sýret: gharysh.kz.