ASTANA. 6 qańtar. Elimizdiń Syrtqy ister mınıstrligi KHDR-da jasalýy málim etilgen ıadrolyq synaqqa qatysty habarlama jasady. Onda Qazaqstan sýtegi bombasyn synaqtan ótkizgen KHDR-dyń áreketin aıyptady. Bul týraly nur.kz habarlady.
«2016 jylǵy 6 qańtarda Koreı Halyq-Demokratııalyq Respýblıkasy sýtek bombasynyń sátti synaǵyn ótkizgeni týraly málimdedi. Osyǵan oraı, Qazaqstan BUU Qaýipsizdik Keńesiniń 1718 (2006), 1874 (2009), 2087 (2013) jáne 2094 (2013) rezolıýsııalaryn buza otyryp, KHDR-dyń osyndaı áreketiniń jónsizdigi jáne úzildi-kesildi aıyptaıtyny týraly málimdeıdi», – delingen vedomstvonyń sársenbi kúni taratqan habarynda.
Habarda atap kórsetilgendeı, ıadrolyq synaqqa jalpyǵa birdeı tyıym salý týraly sharttyń (IаSJTSh) XIV babyna sáıkes, Japonııamen birge 9-shy Konferensııasynyń teńtóraǵasy bolyp sanalatyn, Qazaqstan KHDR basshylyǵynyń bul is-áreketteri ıadrolyq qarýsyzdaný, ıadrolyq qarýdy taratpaý rejımin jáne jahandyq qaýipsizdikti nyǵaıtý boıynsha halyqaralyq qoǵamdastyqtyń kúsh-jigerine eleýli zalal keltiredi dep esepteıdi, IаSJTSh-tyń kúshine enýin qamtamasyz etý jóninde álem elderiniń basym kópshiliginiń umtylysyn joqqa shyǵarady.
Qazaqstan ıadrolyq qarýdyń qasiretin bastan ótkergen, óz erkimen ıadrolyq arsenaldardan bas tartqan jáne 29 tamyzdy Iаdrolyq synaqtarǵa qarsy is-qımyl halyqaralyq kúni dep jarııalaǵan BUU Bas Assambleıasy qaýlysynyń qabyldanýyna bastama bildirgen el retinde álemdegi ıadrolyq synaqtarǵa tolyq tyıym salynýyn qoldaıdy jáne Qytaı, Reseı, AQSh, Koreıa Respýblıkasy men Japonııanyń qatysýymen altyjaqty formattaǵy ıadrolyq problema boıynsha kelissózderdi dereý qaıta bastaýǵa shaqyrady.
Qaýipsizdiktiń jáne turaqty damýdyń kepili ıadrolyq arsenal emes, keńeıtilgen ózara tıimdi yntymaqtastyq, barlyq memleketaralyq qatynastardaǵy problemalardy beıbit kelissózder arqyly sheshý qajet dep senemiz. Álemdi ıadrolyq qarýdan tazartý jahandyq qaýipsizdik kepili bolyp tabylady, bizdiń elimiz jáne 21-shi ǵasyrda adamzattyń basty maqsaty – ıadrolyq qarýsyz álemdi qurýǵa shaqyrǵan Prezıdent Nursultan Nazarbaev ıadrolyq qarýdan bas tartýǵa úndeıdi.
Talǵat Raıymbek.
Derek, sýret: nur.kz.