Qazaqstan Prezıdenti Nursultan Nazarbaev Elimizdiń pravoslavıe hrıstıandaryn jáne barsha qazaqstandyqtardy Rojdestvo meıramymen quttyqtady, dep habarlady Memleket basshysynyń baspasóz qyzmeti.
Bul mereke adamdardyń boıyna senimniń, úmittiń jáne súıispenshiliktiń sáýlesin darytyp, dástúrli rýhanı-adamgershilik qundylyqtardyń aınalasyna biriktirýde.
Rojdestvo dindarlardyń júrekterin erekshe qýanyshqa, baqytqa jáne taza peıilge keneltedi. Bul ózara túsinistik pen meıirimdiliktiń, jaqyn jandarǵa qamqorlyqtyń jáne kómekke zárý adamdarǵa shynaıy kóńil bólýdiń ýaqyty.
Barlyq konfessııalar ókilderimen birge pravoslavıe hrıstıandary qazaqstandyq qoǵamdaǵy konfessııaaralyq kelisimdi, turaqtylyq pen birlikti nyǵaıtýǵa eleýli úles qosýda.
Jarqyn Rojdestvo merekesinde shyn júregimnen barshańyzǵa zor densaýlyq, baqyt, molshylyq jáne ıgilik tileımin, delingen Elbasynyń quttyqtaýynda.