Qazaqstan halqy Assambleıasy elimizdiń pravoslavıe azamattary men barsha qazaqstandyqtardy Rojdestvo merekesimen quttyqtaıdy!
Osy mereke kúnderi bizdiń rýhanı qasıetterimiz jáne gýmanızmniń saltanat qurýy men jarqyn bolashaqqa jetýimizge baılanysty nıetterimiz barynsha aıqyn kórinis tabady.
Rojdestvo meıirimdilik pen jaqsylyqty, súıispenshilik pen janashyrlyqty nasıhattaýyna baılanysty halqymyzdyń rýhanı ómiri men dástúriniń ajyraǵysyz bóligine aınaldy. Bul qundylyqtar Qazaqstannyń barsha azamattarynyń basyn biriktirip, qalyptasqan dostyq pen ózara qurmet dástúrleri bizdiń maqtanyshymyz ben baılyǵymyz bolyp otyr.
Bizdiń Táýelsizdigimiz ben Memleket basshysy N.Á.Nazarbaevtyń saıasaty bizdiń elimiz – Qazaqstan Respýblıkasyndaǵy barsha konfessııalar men etnostyq toptar arasynda tatýlyq pen kelisimniń saqtalýyna ıgi yqpal etedi.
Qymbatty qazaqstandyqtar! Osy mereke kúni sizderge zor densaýlyq, mol tabys, myqty rýh pen bereke-birlik tileımiz. Mereke árbir úıge, ár otbasyna shýaǵyn shashyp, qýanysh pen ıgilik ákelsin!
Qazaqstan halqy Assambleıasynyń keńesi.