«Egemen Qazaqstan» gazetiniń ótken jylǵy qyrkúıek aıynyń 21-i kúngi sanyndaǵy «Qosymsha qadamdar qarastyrylady» degen materıaldy áli umyta qoıǵan joqpyz.
Onda «Gazet basshysy oblys ákimine tilek retinde basylymnyń Kókshe óńirindegi menshikti tilshisi qyzmetin uzaq jyldar boıy abyroımen atqarǵan tamasha qalamger, qazaqtyń aıaýly aqyny Erkesh Ibrahımniń esimin este qaldyrý jóninde naqty qadamdar jasaý týraly ótinimin jetkizdi», – delingen. Odan ári «Oblys ákimi bul usynysqa túsinistikpen qaraıtynyn bildirdi!» – dep atap kórsetilgen edi.
Sodan beri biraz ýaqyt ótti. О́zim Almatyda turyp jatsam da týǵan jerim Kókshetaý jaqqa qarap eleńdep qoıamyn. Biraq ol óńirden Erkesh aqynǵa baılanysty jaqsy is tyndyryldy nemese tyndyrylatyn boldy degen jaǵymdy habar qansha surastyrsam da estilmeıdi. Endeshe, ótinim ótele me, Erkesh elene me?
Esmuhambet AITMAǴAMBETOV,
qart jýrnalıst.