ASTANA. 7 qańtar. Qytaıdyń soltústik-shyǵysyndaǵy Harvın qalasynda álemdegi eń úlken muz qalashyq ashyldy. Bul týraly 24.kz habarlady.
Bul kelýshiler kóńilin kóteretin muz qalashyq osymen 32-ret paıdalanýǵa berilip otyr. Uıymdastyrýshylardyń aıtýynsha, mundaǵy óner týyndylaryn tamashalaý úshin qazirdiń ózinde 100 myń saıahatshy kelipti. Al músinderdi jasaý úshin 300 myń tekshe metr materıal jumsaǵan. Sonyń arqasynda túrli túske boıalǵan ǵajaıyp saraı álemdegi eń alyp muz qala retinde Gınnestiń rekordtar kitabyna endi.
Kelýshiler sanyn odan ári arttyrý úshin munda kúnine 100-den astam kóńildi is-shara uıymdastyrylady. Solardyń arasynda qysqy balyq aýlaý men sán úlgileriniń kúni jáne neke qııý saltanattary da ótkiziledi.
Talǵat Raıymbek.
Derek, sýret: 24.kz.