«As adamnyń – arqaýy» degen. Jańa jyldyń aldynda jurttyń yqylasy azyq-túlik túrlerine erekshe aýatyny belgili. Jańajyldyq dastarqan baǵasy qoljetimdi ári sapaly dámnen qaıysyp tursa – mundaı merekelik otyrystan aınalyp ketpeısiz be?!
Qaraǵandy oblysynyń ákimi Nurmuhambet Ábdibekov Ermekov kóshesi boıyndaǵy «Iýjnyı» sýpermarketine arnaıy baryp, sórelerdegi azyq-túlik ónimderiniń túrlerimen tanysty. О́ńir basshysyn bul jerde alýan túrli taǵamdardyń baǵalary qyzyqtyrdy.
– Memleket basshysy Nursultan Nazarbaevtyń tapsyrmasyna sáıkes, Qazaqstannyń barlyq óńirlerinde «Qazaqstanda jasalǵan» aksııasy bastaý alǵany belgili. Jalpy, Qazaqstanda óndirilgen taýarlardy tutynýshyǵa deldaldardyń aralasýynsyz jetkizý – atalǵan aksııanyń basty maqsaty, – dedi oblys ákimi.
Qazirgi tańda Qaraǵandy oblysynda et, jemis-kókónis, sút jáne tátti taǵamdar ónimderiniń 40-tan asa atalymy shyǵarylady. Búgingi kúnniń ózinde qalanyń barlyq sýpermarketterindegi jalpy saýda alańynyń 40-tan asa paıyzyn sapa jaǵynan osy tektes sheteldik taýarlardan bir mysqal kem túspeıtin qazaqstandyq ónimder alyp otyr. Bıylǵy 2016 jyly saýda oryndaryndaǵy qazaqstandyq mazmundaǵy ónim deńgeıin 50 paıyzǵa deıin jetkizý josparda bar.
Budan bólek, jaqyn arada Prezıdent tapsyrmasy boıynsha «Uly Dala ónimderi» ulttyq brendi qurylady. Bul sapa belgisimen tańbalanǵan ónimderdiń barlyǵy Qazaqstanda shyǵarylýymen erekshe mańyzǵa ıe bolmaq. Sonymen qatar, bul taýarlardyń sapasyna da erekshe mán berilmekshi.
Qaırat ÁBILDINOV,
«Egemen Qazaqstan».
QARAǴANDY.