2015 jylǵy 29 jeltoqsan, Astana, Úkimet Úıi
Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.
2. Osy qaýly resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri
K.MÁSIMOV
Qazaqstan Respýblıkasy Úkimetiniń 2015 jylǵy 29 jeltoqsandaǵy
№1119 qaýlysymen bekitilgen
Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar
1. «Keıbir nusqaýlyqtardy bekitý týraly» Qazaqstan Respýblıkasy Úkimetiniń 2001 jylǵy 31 qańtardaǵy № 168 qaýlysynda:
kórsetilgen qaýlymen bekitilgen Qazaqstan Respýblıkasy Premer-Mınıstriniń Keńsesinde, ortalyq jáne jergilikti atqarýshy organdarda qujattardyń oryndalýyn baqylaýdy uıymdastyrý jónindegi nusqaýlyqta:
mynadaı mazmundaǵy 7-2-tarmaqpen tolyqtyrylsyn:
«7.2. Qazaqstan Respýblıkasy Premer-Mınıstriniń, onyń orynbasarlarynyń, Qazaqstan Respýblıkasynyń Premer-Mınıstriniń Keńsesi Basshysynyń (onyń mindetterin atqarýshy adamnyń) «nazarǵa alyndy» degen belgisi bar josparly eseptik aqparat boıynsha tapsyrmalary baqylaýǵa alynýǵa jatpaıdy.».
2. «Normatıvtik quqyqtyq aktilerdi resimdeý jáne kelisý qaǵıdalaryn bekitý týraly» Qazaqstan Respýblıkasy Úkimetiniń 2006 jylǵy 16 tamyzdaǵy № 773 qaýlysynda (Qazaqstan Respýblıkasynyń PÚAJ-y, 2006 j., № 30, 326-qujat):
kórsetilgen qaýlymen bekitilgen Normatıvtik quqyqtyq aktilerdi resimdeý jáne kelisý qaǵıdalarynda:
38-tarmaq mynadaı redaksııada jazylsyn:
«38. Normatıvtik quqyqtyq aktiniń jobasy memlekettik organdardyń kýálandyrýshy ortalyǵynyń elektrondyq sıfrlyq qoltańbasyn (budan ári – MOKO ESQ) paıdalana otyryp, memlekettik organnyń birinshi basshysynyń ne onyń mindetin atqarýshy adamnyń qoly qoıylǵan jáne memlekettik organdardyń ıntranet-portaly (budan ári – MOIP) arqyly berilgen elektrondyq qujat nysanyndaǵy ilespe hatpen kelisýge usynylady.»;
40-tarmaq mynadaı redaksııada jazylsyn:
«40. Qazaqstan Respýblıkasynyń zańnamasynda normatıvtik quqyqtyq aktini mindetti túrde kelisý kózdelgen jaǵdaıda, sondaı-aq onda basqa memlekettik organdarǵa qatysty erejeler, normalar men tapsyrmalar qamtylsa, mundaı normatıvtik quqyqtyq aktiniń jobasy tıisti múddeli memlekettik organdarmen memlekettik organnyń birinshi basshysynyń ne onyń mindetin atqarýshy adamnyń MOKO ESQ paıdalanyla otyryp, MOIP arqyly elektrondyq qujat nysanynda aldyn ala kelisýge jiberilýi múmkin.
Bul rette, normatıvtik quqyqtyq aktiniń jobasy barlyq múddeli memlekettik organdarǵa bir mezgilde bir ilespe hatpen kelisýge jiberiledi.»;
41-tarmaqtyń úshinshi bóligi mynadaı redaksııada jazylsyn:
«Normatıvtik quqyqtyq aktiniń jobasyna eskertýler bolǵan kezde, qajettiligine qaraı ony ázirlegen organ pysyqtaıdy, odan keıin ázirleýshi organ MOIP-da memlekettik organ basshysynyń ne onyń orynbasarynyń MOKO ESQ qoıylǵan jobanyń pysyqtalǵan nusqasyn ornalastyrady jáne ony múddeli memlekettik organdarǵa kelisýge qaıta joldaıdy.»;
42-tarmaq mynadaı redaksııada jazylsyn:
«42. Normatıvtik quqyqtyq aktini memlekettik organdarda túpkilikti kelisý merzimi bes jumys kúninen, al kelisýshi memlekettik organ basshysynyń MOKO ESQ paıdalanyla otyryp, buryshtama qoıý merzimi úsh jumys kúninen aspaýǵa tıis, bul rette merzimder osy memlekettik organǵa normatıvtik quqyqtyq akt túsken kúnnen bastap esepteledi.»;
44 jáne 45-tarmaqtar mynadaı redaksııada jazylsyn:
«44. Normatıvtik quqyqtyq aktini qaraý qorytyndylary boıynsha kelisýshi organ MOIP arqyly ázirleýshige birinshi basshynyń ne ol bolmaǵan jaǵdaıda onyń mindetin atqarýshy ne basshyny almastyratyn adamnyń MOKO ESQ-men kýálandyrylǵan jaýaptyń mynadaı nusqalarynyń birin usynýǵa tıis:
1) normatıvtik quqyqtyq akt eskertýlersiz kelisildi (birinshi basshynyń ne onyń mindetin atqarýshy adamnyń MOKO ESQ-men kýálandyrylǵan);
2) normatıvtik quqyqtyq aktini kelisýden bas tartyldy (dáleldengen bas tartýdy qosa bere otyryp, birinshi basshynyń ne onyń mindetin atqarýshy adamnyń MOKO ESQ-men kýálandyrylǵan).
Eger akt boıynsha eskertýler bolǵan, olar joıylsa, aktini kelisýge bolatyn jaǵdaılarda, bul eskertýler MOIP arqyly elektrondyq nysanda jazylady, birinshi basshynyń ne ol bolmaǵan jaǵdaıda onyń mindetin atqarýshy adamnyń MOKO ESQ-men kýálandyrylady, onda eskertýlerdi joıý boıynsha usynystar mindetti túrde qamtylýǵa tıis.
45. Joba MOIP arqyly kelisilgennen keıin normatıvtik quqyqtyq akt jobasynyń qaǵaz jetkizgishtegi tólnusqasyn túpkilikti kelisý kelisýshi memlekettik organnyń birinshi basshysynyń ne ol bolmaǵan jaǵdaıda, onyń mindetin atqarýshy adamnyń buryshtamasymen resimdeledi jáne memlekettik organnyń birinshi basshysynyń mindetin ýaqytsha atqarý týraly buıryqtyń kóshirmesin qosa bere otyryp, mórmen kýálandyrylady.».
3. «Qazaqstan Respýblıkasy Ortalyq memlekettik organynyń úlgi reglamentin bekitý týraly» Qazaqstan Respýblıkasy Úkimetiniń 2008 jylǵy 26 naýryzdaǵy № 289 qaýlysynda:
kórsetilgen qaýlymen bekitilgen Qazaqstan Respýblıkasy Ortalyq memlekettik organynyń úlgi reglamentinde:
13-tarmaq mynadaı redaksııada jazylsyn:
«13. Memlekettik organdardan qaǵaz jáne elektrondyq jetkizgishterde kelip túsken qujattar birtekti jáne belgilengen úlgidegi tıisti eltańbalyq blankide memlekettik tilde resimdelýge ári mynadaı mindetti derektemelerdi:
shyǵys nómirin jáne kúnin;
2) Qazaqstan Respýblıkasy Prezıdentiniń, Qazaqstan Respýblıkasynyń Prezıdenti Ákimshiliginiń, Qazaqstan Respýblıkasy Parlamentiniń, Qazaqstan Respýblıkasy Parlamenti palatalarynyń, Qazaqstan Respýblıkasy Úkimetiniń jáne Qazaqstan Respýblıkasy Premer-Mınıstriniń, onyń orynbasarlarynyń, Qazaqstan Respýblıkasy Premer-Mınıstriniń Keńsesi Basshysynyń jáne onyń orynbasarlarynyń tıisti aktileri men tapsyrmalaryna siltemeni, sondaı-aq memlekettik organnyń saýalyna jaýap bergen kezde onyń nómiri men kúnin;
3) OMO-nyń birinshi basshysynyń nemese onyń orynbasarynyń ne jaýapty hatshynyń (ne jaýapty hatshynyń ókilettigin júzege asyratyn OAO laýazymdy adamynyń) (budan ári – OMO basshylyǵy) qolyn;
4) oryndaýshynyń tegin jáne onyń telefon nómirin qamtýǵa tıis.
Erekshe mańyzy bar máseleler boıynsha elektrondyq qujattar qaǵaz jetkizgishterde de resimdelýge tıis (arhıvter men qujattamany basqarýdyń ýákiletti memlekettik organy belgilegen saqtaý merzimi bar).
Bul rette, paıdalanýshylar úshin qoljetimdi aqparattyq júıelerde nemese memlekettik organnyń saıttarynda bar nemese memlekettik organnan kelip túsken aqparat usyný týraly suraý salýǵa jaýap berilmeıdi, ol belgilengen tártippen osy aqparattyq júıelerde ornalastyrylady. Mundaı suraý salýlarǵa jeke aqparat berý talap etilmeıdi.
Jaýapty oryndaýshysy jáne onyń tikeleı basshysy memlekettik organnyń saıttarynda ornalastyrylatyn aqparattyń anyqtyǵyna, ózektiligi men qorǵalýyna («QPÚ» belgisi bar taratylýy shektelgen qyzmettik aqparatpen jáne memlekettik qupııalardy qorǵaý jónindegi normatıvtik quqyqtyq aktilermen jumys jónindegi talaptardyń saqtalýy) jaýaptylyqta bolady.
Qazaqstan Respýblıkasynyń Prezıdenti Ákimshiliginiń, Qazaqstan Respýblıkasy Parlamentiniń jáne Qazaqstan Respýblıkasynyń Premer-Mınıstri Keńsesiniń hat-habarlarynan basqa, osy Reglamenttiń talaptaryn buza otyryp resimdelgen kiris hat-habarlar qabyldanbaıdy jáne (nemese) OMO qujattamalyq qamtamasyz etý qyzmeti tıisti memlekettik organǵa sol kúni qaıtarady.»;
14-tarmaq mynadaı mazmundaǵy ekinshi bólikpen tolyqtyrylsyn:
«Qazaqstan Respýblıkasy Premer-Mınıstriniń Keńsesinen OMO-ǵa baqylaýdaǵy emes qujattar túsken kezde OMO atalǵan qujattardy baqylaýǵa qoımaıdy jáne olar boıynsha Qazaqstan Respýblıkasy Premer-Mınıstriniń Keńsesine jaýap jiberilmeıdi.»;
19-tarmaqta:
birinshi bólik mynadaı redaksııada jazylsyn:
«19. Shyǵys hat-habarlarǵa Qazaqstan Respýblıkasy Prezıdentiniń Ákimshiligine, Qazaqstan Respýblıkasynyń Parlamentine jáne Qazaqstan Respýblıkasy Premer-Mınıstriniń Keńsesine jiberý úshin qol qoıý aldynda onda tapsyrmaǵa siltemelerdiń bolýy jáne olardyń durys resimdelýi, onyń ishinde is-sharalar josparlaryna jáne olardy bekitý týraly aktilerge sáıkestigi mánine OMO qujattamalyq qamtamasyz etý qyzmeti (baqylaý qyzmeti) buryshtama qoıýǵa tıis.»;
mynadaı mazmundaǵy úshinshi bólikpen tolyqtyrylsyn:
«О́zge memlekettik organdardyń erekshe quzyretine jatatyn memlekettik organdardyń shyǵys hat-habarlary Qazaqstan Respýblıkasy Premer-Mınıstriniń Keńsesine jiberilmeıdi.»;
21-tarmaq mynadaı redaksııada jazylsyn:
«21. Memlekettik organdardyń ıntranet-portaly (budan ári – MOIP) arqyly OMO-ǵa kelisýge kelip túsken, Qazaqstan Respýblıkasy Úkimetiniń 2004 jylǵy 17 sáýirdegi № 430 qaýlysymen bekitilgen Elektrondyq qujat aınalym erejesinde belgilengen tártippen memlekettik organdardyń kýálandyrýshy ortalyǵynyń elektrondyq sıfrlyq qoltańbasy (budan ári – MOKO ESQ) qoıylǵan Qazaqstan Respýblıkasynyń Úkimeti qaýlylarynyń, Qazaqstan Respýblıkasynyń Premer-Mınıstri ókimderiniń, buıryqtardyń, zańnamalyq aktilerdiń jobalaryn (budan ári – jobalar) qujattamalyq qamtamasyz etý qyzmeti jobanyń ótýine jaýapty bólimsheni jáne olardyń quzyretine qaraı OMO-nyń múddeli bólimshelerin aıqyndaıtyn mindetterdiń bólinýine sáıkes OMO basshylyǵyna, onyń ishinde barlyq jobalar mindetti túrde kelisiletin OMO-nyń zań qyzmetine de jiberedi. Jobalar jiberiletin OMO bólimsheleri arasynda jobalardy kelisý MOKO ESQ paıdalanyla otyryp, MOIP arqyly elektrondyq qujattar nysanynda júrgiziledi.
Jobalardy qaraýdyń jalpy merzimi Qazaqstan Respýblıkasy Úkimetiniń Reglamentinde jáne ózge de normatıvtik quqyqtyq aktilerde, sondaı-aq joǵary turǵan memlekettik organdar men laýazymdy adamdardyń tapsyrmalarynda aıqyndalady.
Jaýapty qurylymdyq bólimsheniń oryndaýshysy múddeli bólimshelerdiń pikirlerin qorytady jáne ázirleýshi organǵa zańnamaǵa sáıkes jaýaptyń jobasyn daıyndaıdy, oǵan jobanyń ótýine jaýapty bólimsheniń basshysy, múddeli bólimshelerdiń basshylary buryshtama qoıady, mindetterdiń bólinýine sáıkes OMO basshylyǵynyń MOKO ESQ-men kýálandyrylady, sodan keıin OMO birinshi basshysynyń ne onyń mindetin atqarýshy adamnyń MOKO ESQ-men kýálandyrylady.»;
22-tarmaqta:
birinshi bólik mynadaı redaksııada jazylsyn:
«22. Qazaqstan Respýblıkasynyń Úkimeti qaýlylarynyń, Qazaqstan Respýblıkasynyń Premer-Mınıstri ókimderiniń, zań jobalaryn qospaǵanda, jobany eskertýlersiz kelisý (buryshtama qoıý) múmkindigi týraly qorytyndy daıyndalǵan jaǵdaıda, ázirleýshi organ jumys tártibimen kelisýshi OMO-nyń bólimshe basshysynyń sheshimi boıynsha jobanyń tólnusqasyn buryshtama qoıýǵa usynady, bul týraly buryn usynylǵan ilespe hatta belgi (alýshynyń T.A.Á., kúni, qoly) qoıylady.»;
úshinshi jáne tórtinshi bólikter mynadaı redaksııada jazylsyn:
«Kelisýshi OMO jobalardy MOIP-da eskertýlersiz kelisken jaǵdaıda, ázirleýshi organ jobanyń tólnusqasyn elektrondyq qujattyń qaǵaz kóshirmesi túrinde OMO basshysyna buryshtama qoıýǵa, sodan keıin kelisýshi OMO-ǵa usynady.
MOIP-da kelisý nátıjesi kelisýshi OMO-nyń jobanyń ótýine jaýapty bólimshe basshysynyń MOKO ESQ-men kýálandyrylady jáne 2 jumys kúninen aspaıtyn merzimde múddeli bólimsheler basshylarynyń, mindetterdiń bólinýine sáıkes OMO basshylyǵynyń ESQ-men kýálandyrylady.»;
23-tarmaqtyń birinshi jáne ekinshi bólikteri mynadaı redaksııada jazylsyn:
«23. Jobalardy qospaǵanda, kelisýshi OMO-da ázirleýshi tolyǵymen kelisetin eskertýler bolǵan kezde joba jumys tártibimen pysyqtaýǵa qaıtarylady, bul týraly ázirleýshi memlekettik organnyń buryn usynylǵan ilespe hatynda belgi (alýshynyń T.A.Á., kúni, qoly) qoıylady. Jobany pysyqtaý merzimi 10 jumys kúninen aspaıdy. Pysyqtalýyna qaraı kelisýshi OMO bir mezgilde oryn alǵan eskertýlerdi joıǵan jaǵdaıda jobany kelisý (buryshtama qoıý) múmkindigi týraly qorytyndy daıyndaıdy.
Kelisýshi OMO-da ázirleýshi tolyǵymen kelisetin eskertýler bolǵan kezde joba MOIP arqyly jiberilgen habarlamamen birge ázirleýshi memlekettik organǵa pysyqtaýǵa qaıtarylady. Bul rette ázirleýshi MOIP-da jobanyń pysyqtalǵan nusqasyn ornalastyrady jáne memlekettik organdarǵa kelisýge qaıta joldaıdy. Bar eskertýlerdi joıǵan jaǵdaıda kelisýshi memlekettik organ MOIP-da kelisýshi memlekettik organ basshysynyń ESQ-men kýálandyrylǵan eskertýlersiz kelisý týraly belgi qoıady.».