Pavlodarda 9 qańtarda saǵat 14.00 shamasynda oblys ortalyǵyndaǵy Kataev-Sývorov kósheleriniń qıylysynda dıametri 700 mm bolatyn №10 jylý magıstrali jaryldy. Bul týraly gazetimizdiń tilshiler qosynyna «Pavlodarenergo» AQ qoǵammen baılanys jónindegi bólim basshysy Asqar Shómshekov habarlady.
– №3-JES-tyń jylýyn tutynýshy úıler №1-JES-qa aýystyryldy. Zaqymdanǵan qubyr magıstrali jóndelgenshe 25 turǵyn úı, bir balabaqsha men bir mektep jylýdan ajyratyldy. Qala ákimi Bolat Baqaýovtyń jetekshiligimen apatty joıý jónindegi jedel shtab jumys jasaýda.
Zaqymdanýdy joıý úshin «Pavlodar jylý jelileri» JShS-niń 30 mamany men 10 tehnıka quraly jumyldyryldy. Apat zardaby shamamen 12-15 saǵattan soń qalypqa keltirilmek, – deıdi A.Shómshekov.
Farıda Byqaı.
«Egemen Qazaqstan».